Коронавирус пандемияси сабаб Россиядаги чет эл фуқаролар ва фуқаролиги бўлмаган шахслар учун бир қатор енгилликлар тақдим этилади. Россия президенти Владимир Путин томонидан 18 апрель куни имзоланган фармонга мувофиқ, 15 мартдан 15 июнга қадар бўлган вақт оралиғида амал қилиши тугайдиган қуйидаги ҳужжатларнинг муддати узайтирилади:
- виза
- вақтинча яшаш учун рухсатнома
- яшаш гувоҳномаси
- ишлаш учун рухсатнома, патент
- чет эл ишчиларини жалб қилиш ва улардан фойдаланиш учун рухсатнома.
Шунингдек, 15 июнгача бўлган даврда иш берувчилар ва иш (хизмат)лар буюртмачилари Россия қонунларида белгиланган тартибда виза талаб қилинмайдиган ва патентга эга бўлмаган хорижий фуқаролар ва фуқаролиги бўлмаган шахсларни ишчилар сифатида жалб қилиш ва улардан фойдаланиш ҳуқуқига эга.
Бунда мамлакатда ўрнатилган чекловлар ва аҳолининг санитария-эпидемиологик фаровонлигини таъминлашга қаратилган бошқа чораларини бажариш шарти қўйилади.
Мавзуга доир:
- Сенат раиси Танзила Норбоева ўзбекистонлик мигрантлар масаласида россиялик ҳамкасбидан ёрдам сўради
- Ўзбекистон ТИВ Россияга меҳнат муҳожирларини маъмурий жавобгарликка тортмасликни сўраб, расмий нота юборди
- Россияда оғир ҳаёт шароитларига тушиб қолган ўзбекистонликларга ёрдам бериш учун «Саховат» маркази ташкил этилди
Изоҳ (0)