Internetda Al Kaponening so‘nggi kunlariga bag‘ishlangan Capone filmining ilk treyleri paydo bo‘ldi. Rejissor Josh Trank boshchiligidagi loyihada Amerika tarixidagi eng mashhur gangster rolini Tom Xardi ijro etgan, deb xabar beradi “Kinopoisk”.
Film 1920-yillarda Chikago jinoyat olamini nazorat qilgan Al Kaponening, qamoqdan keyingi hayoti haqida so‘zlaydi. Jinoyat olamida katta obro‘ga ega bo‘lgan Al Kapone qamoqdan chiqqanida barcha do‘stlari va ittifoqchilaridan ayrilgan edi. Kapone zaxmdan qattiq aziyat chekar ekan, uning buyrug‘iga ko‘ra Chikago ko‘chalarida odamlar o‘ldirilgani va insonlar hayoti buzilganini eslaydi. Sekin-asta aql-hushini yo‘qotib borib, so‘nggi kunlarini Floridadagi koshonasida o‘tkazadi. Biroq ayrimlar Kapone o‘zining millionlariga o‘zgalar ega chiqmasligi uchun qasddan shunday qilmoqda deb o‘ylaydi.
Shuningdek, kartinada Xardidan tashqari Mett Dillon, Linda Kardellini, Ketrin Narduchchi va Kayl MaLoklen suratga tushgan.
12-maydan boshlab Capone filmini ko‘plab striming-platformalarda 48 soatga ijaraga olish mumkin bo‘ladi. Trankning ma’lum qilishicha, kelajakda kartina kinoteatrlarda ham namoyish etiladi.
Izoh (0)