4-aprel kuni Moskva viloyatining Orexovo-Zuyevo shahrida joyilashgan besh qavatli uyda gaz portladi. Portlash Gagarin ko‘chasidagi 31-uyda sodir bo‘lgan, deb xabar qiladi Meduza.
Rossiya Favqulodda vaziyatlar vazirligining ma’lum qilishicha, uchinchi qavatdagi kvartiralardan birining gaz kolonkasi portlab ketgan. Portlash oqibatida podyezdning uchinchi qavatdan beshinchi qavatgacha bo‘lgan qismi qulab tushgan. Ikkinchi podyezddagi beshta kvartira butkul vayron bo‘lgan, birinchi podyezddagi yana to‘rtta kvartiraga shikast yetgan.
«Три верхних этажа разрушены полностью»: Взрыв газа в пятиэтажном доме в Орехово-Зуево pic.twitter.com/LWobCNg0Zz
— Сергей Ильин🇷🇺 (@sergey270178) April 4, 2020
Ta’kidlanishicha, gaz portlashi oqibatida uch kishi halok bo‘lgan, yana olti kishi jarohat olgan. Halok bo‘lganlarning birinchisi darhol topilgan, qolgan ikki nafari vayronalar ostidan bir necha soat o‘tgach chiqarib olingan. Jarohat olganlarning uch nafari jonlantirish bo‘limida, qolganlariga tibbiy yordam ko‘rsatilgan. “Interfaks”ning yozishicha, jabrlanganlar orasida 15 yoshli qiz hamda 47 va 57 yoshli ikki ayol bor.
Shahar ma’muriyatining ma’lum qilishicha, ko‘p qavatli uydan 200 kishi evakuatsiya qilingan bo‘lib, ular yaqin atrofdagi maktabga joylashtirilgan. 150 kishi mustaqil ravishda uylarini tark etgan bo‘lsa, yana 50 kishiga qutqaruvchilar yordam ko‘rsatgan.
Tergov qo‘mitasi portlash nima sababdan yuzaga kelganini aniqlash borasida surishtiruv ishlarini boshlab yuborgan. Taxminlardan biriga ko‘ra, gaz qurilmalari bilan ehtiyotsiz munosabatda bo‘lganlik oqibatida tabiiy gaz sizib chiqqan bo‘lishi mumkin.
Izoh (0)