31-mart, seshanba kuni, dunyoning turli burchaklarida olingan eng qiziqarli suratlar jamlanmasini taqdim etamiz.
Toshkentdagi Muqimiy ko‘chasida joylashgan karantin hududiga o‘rnatilgan taqiq tasmasi.
Foto: “Daryo”
Italiyaning Neapol shahrida o‘t o‘chiruvchilar koronavirusga qarshi kurashayotgan shifokorlarga hurmat ko‘rsatdi.
Foto: EPA
Koronavirus o‘chog‘i bo‘lgan Uxan shahridagi Sharqiy ko‘li ustida quchoqlashib turgan juftlik.
Foto: Reuters
Ukraina prezidenti Vladimir Zelenskiy Oliy Radaning yig‘ilishiga tibbiyot niqobida keldi.
Foto: Reuters
Shaxsiy avtomobillar va jamoat transportlariga o‘rnatilgan cheklovdan so‘ng ko‘chalar huvullab bormoqda. Suratda Milliy gvardiya xizmat avtomobili Usmon Nosir ko‘chasidan o‘tib bormoqda.
Foto: “Daryo”
Mavzuga doir: O‘zbekistonda transport vositalaridan maxsus ruxsatnomasiz foydalanganlik uchun jarima miqdori ma’lum qilindi
Bangkokda koronavirusdan himoyalanish uchun niqob taqib olgan buddist monaxlari ehson yig‘moqda.
Foto: Reuters
Pokistonning Karachi shahrida tibbiyot niqoblarini sotayotgan bola. Mamlakatda koronavirus xavfi tufayli bozorlar, jamoat joylari yopildi, katta yig‘ilishlar taqiqlandi.
Foto: Reuters
Vengriyada fermerlar gullayotgan o‘rik daraxtlarini sovuq yeyishdan himoya qilish uchun gulxan yoqmoqda.
Foto: EPA
Uxan shahridagi savdo markazi xodimlari kirish qismida qo‘lni yuvuvchi vosita va termometr ushlab turibdi.
Foto: Reuters
Italiyaning Chisternino shahrida koronavirus qurbonlarining yaqinlari dafn marosimida ishtirok etmoqda.
Foto: Reuters
Hindistonda yo‘l politsiyasi mototsikl haydovchisini koronavirusdan ogoh qilmoqda.
Foto: AFP
Toshkentda Davlat xizmatlari agentligiga maxsus stiker olish istagida ariza topshirmoqchi bo‘lgan transport vositalari haydovchilari oqimi 31-mart kuni ham to‘xtamadi. Suratda Chilonzor tumanida joylashgan agentlik.
Foto: “Daryo”
Kuala-Lumpurda dezinfeksiya ishlarini olib borayotgan dronning oldidan uchib o‘tayotgan qush.
Foto: AFP
Mavzuga doir: Koronavirus sabab dunyoda bo‘shab qolgan shaharlarining sun’iy yo‘ldoshdan olingan suratlari e’lon qilindi
Mart oyining oxirgi kuni Moskva shahriga qor yog‘di.
Foto: “Moskva”
Mavzuga doir: Vladimir Putin bir hafta avval tashrif buyurgan shifoxonaning bosh shifokorida koronavirus aniqlandi
Xitoyning Xux-Xoto shahrida yana ochilgan Fan va texnika muzeyida o‘ynayotgan qizaloq.
Foto: Getty Images
Mavzuga doir: O‘zbekistonliklar karantin paytida qaysi mobil dasturlarni yuklab olayotgani ma’lum bo‘ldi
Las-Vegasda uysizlar vaqtincha avtoturargohga ko‘chirildi. Ular orasida ijtimoiy masofalar belgilab qo‘yildi.
Foto: Reuters
Toshkent metropolitenining Oybek bekatidagi yerosti o‘tish yo‘lidan velosipedini olib chiqib ketayotgan velosipedchi.
Foto: “Daryo”
Mavzuga doir: Rasul Kusherbayev ishga velosipedda qatnashni boshladi
Vashington shtatida bolalar o‘ynamasligi uchun bolalar maydonchasidagi arg‘imchoqlar tasma bilan bog‘lab qo‘yilgan.
Foto: Reuters
Xitoyning Sichuan provinsiyasida o‘rmon yong‘inlariga qarshi kurashayotgan o‘t o‘chiruvchi. Yong‘in oqibatida 10 dan ortiq odam halok bo‘ldi.
Foto: AP Photo
Germaniyaning Lindlar kommunasidagi supermarketda robot odamlar masofa saqlashi uchun yordam bermoqda.
Foto: EPA
AQShning Brevard shahridagi hayvonot bog‘ida yetim qolgan ayiqcha asrab olindi.
Foto: Reuters
Avvalgi kunlarning fotogalereyalari:
- Moskvadagi izolyatsiya, yo‘q qilinayotgan gullar, ko‘chadagi musiqachilar. 30-mart suratlari
- Koronavirusdan sog‘aygan o‘zbeklar, koronavirusga test topshirayotgan BAA shahzodasi, korona-politsiyachi. 29-mart suratlari
- Karantindagi O‘zbekiston, taqiqlari kamayayotgan Xitoy, niqobdagi kelin-kuyov. Hafta suratlari
- Tog‘da paydo bo‘lgan “Umid” yozuvi, vazirga izoh berayotgan Munisa Rizayeva, uyiga shoshilayotgan odamlar. 27-mart suratlari
