Shimoliy Makedoniya rasman NATOning o‘ttizinchi a’zosiga aylandi, uning bayrog‘i birinchi marta 30-mart kuni alyansning bosh qarorgohida ko‘tariladi. “RIA Novosti”ning xabar berishicha, bu haqda AQSh davlat kotibi Mayk Pompeoning 27-mart kuni e’lon qilgan bayonotida aytildi.
Uning aytishicha, Shimoliy Makedoniyaning qo‘shilishi NATO eshiklari tashkilotga a’zo bo‘lishni istagan boshqalar uchun ham ochiqligini anglatadi. Bundan tashqari, Pompeo AQSh NATO xartiyasining jamoaviy mudofaa to‘g‘risidagi moddasiga rioya qilishini ta’kidlagan.
Qayd etilishicha, Shimoliy Makedoniyaning NATO tarkibiga kirishi Gretsiya va Makedoniya 2018-yilning iyun oyida sobiq Yugoslaviya Respublikasi nomi bo‘yicha uzoq vaqtdan beri davom etgan kelishmovchilikni hal qilgan kelishuvdan so‘ng mumkin bo‘ldi.
Izoh (0)