Шимолий Македония расман НАТОнинг ўттизинчи аъзосига айланди, унинг байроғи биринчи марта 30 март куни альянснинг бош қароргоҳида кўтарилади. «РИА Новости»нинг хабар беришича, бу ҳақда АҚШ давлат котиби Майк Помпеонинг 27 март куни эълон қилган баёнотида айтилди.
Унинг айтишича, Шимолий Македониянинг қўшилиши НАТО эшиклари ташкилотга аъзо бўлишни истаган бошқалар учун ҳам очиқлигини англатади. Бундан ташқари, Помпео АҚШ НАТО хартиясининг жамоавий мудофаа тўғрисидаги моддасига риоя қилишини таъкидлаган.
Қайд этилишича, Шимолий Македониянинг НАТО таркибига кириши Греция ва Македония 2018 йилнинг июнь ойида собиқ Югославия Республикаси номи бўйича узоқ вақтдан бери давом этган келишмовчиликни ҳал қилган келишувдан сўнг мумкин бўлди.
Изоҳ (0)