16-mart kuni Riga—Toshkent yo‘nalishi bo‘yicha bo‘lgan Uzbekistan Airways’ning HY104 qatnovi Namangan shahriga keladi. Bu haqda kompaniya matbuot xizmati xabar berdi.
Qayd etilishicha, ushbu qatnov bilan kelgan barcha yo‘lovchilar Namangan shahrida karantinga yuboriladi.
“Yo‘lovchilarning vaqtincha joylashtirish punktida turishi masalalari bo‘yicha O‘zbekiston sog‘liqni saqlash vazirligi huzuridagi Sanitariya-epidemiologiya osoyishtalik agentligining bosh qarorgohiga 71 276-49-66 telefon raqami orqali murojaat qilish mumkin.
Bu Toshkent—Riga—Toshkent yo‘nalishi bo‘yicha Uzbekistan Airways’ning yakuniy qatnovi. 17-martdan ushbu yo‘nalish bo‘yicha barcha parvozlar bekor qilinadi”, — deyiladi xabarda.
Uzbekistan Airways aviakompaniyasi 16-mart kuni xalqaro yo‘nalishlar bo‘yicha barcha qatnovlarning bekor qilingani, yakuniy qatnovlar faqat ikkita: Dehli—Toshkent hamda Toshkent—Riga—Toshkent yo‘nalishida amalga oshirilishini xabar qilgan edi.
Izoh (0)