O‘zbekiston xalq artisti Yulduz Usmonova “Xalqlar do‘stligi” saroyida 10—25-mart kunlari o‘zining yangi yakkaxon konsert dasturini taqdim qilmoqda. San’atkorning qizi Nilufar Usmonova konsert dasturida bek-vokalda onasiga jo‘r bo‘lmoqda. Nilufar Instagram’dagi sahifasida muxlislariga murojaat qilib, ularning mehriga munosib san’atkor bo‘lishni boshlaganini yozib qoldirdi.
“Repititsiyaga kelib o‘zimni muxlisim, sa’natim bor, menga og‘ir keldi deb ketvormoqchi edim. Buni to‘g‘ri tushuntirish niyatida repititsiyaga yana bordim va yoshi katta insonlardan tortib, farzandimdan ham kichiklarni bu jamoada jon-jahdi bilan qilgan mehnatlarini ko‘rib fikrimdan ham, qarorimdan ham, uyalib ketdim. Shunchalik ham qo‘rqoq bo‘lasanmi, onang bo‘lgani bilan uning butun jamoasi jonini jabborga berib ishlayapti, san ham san’atingni fidoyisi bo‘lolmaysanmi deb o‘zimni koyidim. Buni sizlar bilan bo‘lishganimning sababi, bu jamoaga kelganimdan so‘ng ayam dangasalikni ichimdan yulib otdilar, san’atga boshqacha nazar bilan qarashni, qadrlashni o‘rgatdilar. Konsertda bek-vokalda jo‘r bo‘lib turibmiz. Bilasizlar ayam ham bek-vokaldan boshlaganlar. Bundan hecham achinmayman. Sizlar bilan internetda ko‘p muloqot qilolmayapman. Vaqt ham, imkon ham bo‘lmayapti. Bilaman meni yaxshi ko‘rasizlar va men shu sevgingizga arzigulik san’atkor bo‘lishga harakat qilishni ‘Bismilloh’ deb boshladim. Inshaallah menga mehr berganingiz uchun sizlarni hech qachon afsuslantirmayman”, —deb yozadi Nilufar Usmonova.
https://www.instagram.com/p/B9qN6anBh2m/
Mavzuga doir: Yulduz Usmonovaning “Xalqlar do‘stligi” saroyidagi 16 kunlik konserti boshlandi (foto)
Bek-vokal — “Backing vocal” — ingliz tilidan tarjima qilingan so‘z bo‘lib, “orqa planda qo‘shiq kuylash” ma’nosini beradi. Asosiy vokal partiyasiga jo‘r bo‘lish ma’nosini anglatadi.
Izoh (0)