Samarqand shahridagi Siyob kanaliga tushib ketganidan keyin yo‘qolib qolgan 3 yoshli bolaning jasadi topildi. Bu haqda “Kun.uz” xabar bergan.
10-mart, seshanba kuni, suvga tushib ketgan bolaning yaqinlari internet nashri tahririyatiga qo‘ng‘iroq qilib, uning jasadi topilgani haqida ma’lum qilgan. Samarqand viloyati favqulodda vaziyatlar boshqarmasi ham ushbu ma’lumotni tasdiqlagan. Bola boshqarmaning qutqaruv-qidiruv otryadi tomonidan soat 13:30 da kanalning quyi qismidan topilgan.
Bolaning ota-onasi va yaqinlari 8-mart, yakshanba kuni, Samarqand shahridagi Siyob kanaliga tushib ketgan 3 yoshli Behro‘z Baxtiyorovning yaqinlari farzandi topilmayotgani yuzasidan “Kun.uz”ga murojaat qilgan. Voyaga yetmagan qarindoshlari bilan kanal yoqasida o‘ynab, suvga tushib ketgan bolakayni uning qarindoshlari, favqulodda vaziyatlar boshqarmasi g‘avvoslari 8—9-mart kunlari izlab topisholmagani ma’lum qilingandi.
Izoh (0)