Самарқанд шаҳридаги Сиёб каналига тушиб кетганидан кейин йўқолиб қолган 3 ёшли боланинг жасади топилди. Бу ҳақда «Kun.uz» хабар берган.
10 март, сешанба куни, сувга тушиб кетган боланинг яқинлари интернет нашри таҳририятига қўнғироқ қилиб, унинг жасади топилгани ҳақида маълум қилган. Самарқанд вилояти фавқулодда вазиятлар бошқармаси ҳам ушбу маълумотни тасдиқлаган. Бола бошқарманинг қутқарув-қидирув отряди томонидан соат 13:30 да каналнинг қуйи қисмидан топилган.
Боланинг ота-онаси ва яқинлари 8 март, якшанба куни, Самарқанд шаҳридаги Сиёб каналига тушиб кетган 3 ёшли Беҳрўз Бахтиёровнинг яқинлари фарзанди топилмаётгани юзасидан «Kun.uz»га мурожаат қилган. Вояга етмаган қариндошлари билан канал ёқасида ўйнаб, сувга тушиб кетган болакайни унинг қариндошлари, фавқулодда вазиятлар бошқармаси ғаввослари 8—9 март кунлари излаб топишолмагани маълум қилинганди.
Изоҳ (0)