Bugun,

  • USD 11095.31
  • RUB 173.84
  • EUR 10772.44

Yevropada xavfsizlik va hamkorlik tashkilotining OAV erkinligi masalalari bo‘yicha vakilligi Samarqand shahrida bo‘lib o‘tgan Ikkinchi Markaziy Osiyo sudyalar muloqoti natijalari bo‘yicha press-relizini e’lon qildi. Bu haqda Axborot va ommaviy kommunikatsiyalar agentligi rahbari Dilshod Saidjonov xabar berdi.

YXHTning OAV erkinligi masalalari bo‘yicha vakili Arlem Dezir

YXHTning OAV erkinligi masalalari bo‘yicha vakili Arlem Dezir
Foto: YXHT

Press-relizda ushbu xalqaro anjuman matbuot va so‘z erkinligini himoya qilishda muhim ahamiyatga ega ekani alohida ta’kidlangan.

YXHTning OAV erkinligi masalalari bo‘yicha vakili Arlem Dezirning qayd etishicha, mazkur tadbir so‘z va matbuot erkinligini ta’minlash masalasida mintaqaviy va xalqaro hamkorlikni o‘rnatish, xalqaro standartlarni muhokama qilish va ilg‘or tajribalarni o‘rtoqlashish uchun noyob imkoniyat hisoblanadi.

YXHT O‘zbekistonning axborot sohasidagi islohotlariga yuqori baho bergan. Arlem Dezir O‘zbekiston Prezidenti Shavkat Mirziyoyevning tuhmat va haqorat uchun ozodlikdan mahrum qilish tarzidagi jazoni bekor qilish bo‘yicha yangi qonunni qabul qilish taklifini, shuningdek, blogerlarga va jurnalistlarga huquqlar berilishini ma’qullagan hamda mintaqadagi barcha davlatlarni O‘zbekistondan o‘rnak olishga chaqirgan.

Izoh
Asosiy yangiliklar
Mahalliy
Mashina olib berishni vaʼda qilib, 248 kishini 12 mlrd so‘mga chuv tushirgan firibgarlarga hukm o‘qildi
Mahalliy
Shavkat Mirziyoyev Nukusdagi xonadonda iftorlik qildi (video)
Dunyo
Blinken AQSH fuqarolarini zudlik bilan Rossiyani tark etishga chaqirdi