Европада хавфсизлик ва ҳамкорлик ташкилотининг ОАВ эркинлиги масалалари бўйича вакиллиги Самарқанд шаҳрида бўлиб ўтган Иккинчи Марказий Осиё судьялар мулоқоти натижалари бўйича пресс-релизини эълон қилди. Бу ҳақда Ахборот ва оммавий коммуникациялар агентлиги раҳбари Дилшод Саиджонов хабар берди.
Пресс-релизда ушбу халқаро анжуман матбуот ва сўз эркинлигини ҳимоя қилишда муҳим аҳамиятга эга экани алоҳида таъкидланган.
ЕХҲТнинг ОАВ эркинлиги масалалари бўйича вакили Арлем Дезирнинг қайд этишича, мазкур тадбир сўз ва матбуот эркинлигини таъминлаш масаласида минтақавий ва халқаро ҳамкорликни ўрнатиш, халқаро стандартларни муҳокама қилиш ва илғор тажрибаларни ўртоқлашиш учун ноёб имконият ҳисобланади.
ЕХҲТ Ўзбекистоннинг ахборот соҳасидаги ислоҳотларига юқори баҳо берган. Арлем Дезир Ўзбекистон Президенти Шавкат Мирзиёевнинг туҳмат ва ҳақорат учун озодликдан маҳрум қилиш тарзидаги жазони бекор қилиш бўйича янги қонунни қабул қилиш таклифини, шунингдек, блогерларга ва журналистларга ҳуқуқлар берилишини маъқуллаган ҳамда минтақадаги барча давлатларни Ўзбекистондан ўрнак олишга чақирган.
Изоҳ (0)