ПСЖ бош мураббийи Томас Тухель шогирдларига Испанияда йиғин ўтказиш таклифини берган, бироқ бунга рад жавобини олган.
L’Équipe нашрининг хабар қилишича, Тухель Лига 1 доирасидаги «Страсбург»га қарши ўйин бекор қилинганидан фойдаланиб, Испанияда кичик йиғин ташкил этишни хоҳлаган. Мураббий футболчилар ёқимли ҳавода қўшимча ишлашларини истаган.
Бироқ футболчилар Францияда қолишни маъқул кўрган. Улар бўш вақтни меҳмонхонада эмас оилалари бағрида ўтказишни маъқул кўрган.
Эслатиб ўтамиз, ПСЖ 11 март куни Европа Чемпионлар Лигаси 1/8 финал жавоб баҳси доирасида «Боруссия Д»га қарши ўйнайди. Ушбу жамоалар ўртасидаги дастлабки ўйин дормундликлар фойдасига хал бўлганди (2:1).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)