Toshkentning Olmazor tumani “A.Shoshiy” mahallasidagi xonadonlarning birida 29-fevral kuni yong‘in sodir bo‘ldi.
Toshkent shahar Favqulodda vaziyatlar boshqarmasidan ma’lum qilishlaricha, o‘t o‘chiruvchilar voqea joyiga 16:59 da yetib borgan.
“Ko‘rilgan tezkor chora va harakatlar natijasida yong‘in soat 17:26 da bartaraf etilgan”, — deyiladi boshqarma axborotida.
Qayd etishlaricha, yong‘in natijasida uyning ichki va tom qismida 80 kvadrat metr maydon yongan. Yong‘in sababi ma’lum qilinmagan.
Izoh (0)