Ruslan Nurudinov uylandi

Og‘ir atletika bo‘yicha Rio—2016 Olimpiadasi chempioni Ruslan Nurudinov uylandi.

2-fevral, yakshanba kuni Nurudinov va sinxron suzish bo‘yicha O‘zbekiston terma jamoasi sobiq a’zosi Almira Mamatkazina turmush qurishdi. To‘y Andijon shahrida bo‘lib o‘tgan.

Ma’lumot uchun, Ruslan ikki karra Osiyo chempioni, bir martadan Jahon chempionati, Osiyo o‘yinlari va Universiada oltin medallari sohibi hisoblanadi. Shuningdek, u “El-yurt hurmati” va “O‘zbekiston iftixori” faxriy mukofotlari bilan taqdirlangan.