Bugun, 31-yanvar kuni dunyoning turli burchaklarida olingan eng qiziqarli suratlar jamlanmasini taqdim etamiz.

Nitssa, Fransiya

Nitssada tez orada dunyodagi eng katta karnavallardan biri o‘tkaziladi. Bir necha kunlik karnavalga 6 oydan beri tayyorgarlik ko‘rilmoqda.

Foto: Reuters

Pekin, Xitoy

Niqob taqqan sotuvchi xaridorlarni poylamoqda. Koronavirus tufayli ko‘plab mamlakatlar Xitoyga parvozlarni taqiqlab qo‘ydi, jumladan O‘zbekiston ham.

Foto: AP

Buyuk Britaniya

Buyuk Britaniya Yevropa ittifoqidagi so‘nggi kunini o‘tkazmoqda.

Foto: PA

Foto: AP

Saxalin, Rossiya

Saxalinga qor sikloni keldi.

Foto: “TASS”

Avstraliya

Avstraliya janubida yomg‘irli kunlardan so‘ng yana issiq havo kutilmoqda. Bu esa yana o‘rmon yong‘inlarini keltirib chiqarishi mumkin. Hozir Adelaidada 41 daraja, Melburnda 38, Kanberrada 35 daraja issiq kuzatilmoqda.

Foto: EPA

Los-Anjeles, AQSh

NBA doirasidagi “Los-Anjeles Leykers” va “Sakramento Kingz” o‘yini oldidan aviahalokatda vafot etgan basketbolchi Kobi Brayantni xotirlash marosimi bo‘lib o‘tdi. “Los-Anjeles Leykers” 8 va 24-raqamlarni 2017-yilda umrbod Kobi Brayantga taqdim etgan.

Foto: “TASS”

Jammu, Hindiston

Jangarilar o‘qidan teshilib qolgan yuk mashinasining old oynasi.

Foto: Reuters

Milan, Italiya

Ayol Netflix’ning Black Moon seriali reklamasi installyatsiyasini kuzatmoqda.

Foto: Shutterstock

Chester, Buyuk Britaniya

Chester hayvonot bog‘idagi xameleon.

Foto: Reuters

Ma’rretun-No‘mon, Suriya

Ma’rretun-No‘mon yaqinida portlamay qolgan raketa.

Foto: Reuters

Xubey, Xitoy

Xubey provinsiyasidan kelayotgan erkak Yanszi daryosi ustidagi Szyuszyan ko‘prigidagi nazorat o‘tkazish punktidan o‘tmoqda.

Foto: Reuters

Dakka, Bangladesh

Odamlar laminatsiyalangan plakatlar osilgan ko‘chadan o‘tmoqda. Poytaxtda 304 millionta plakatlar osilgan bo‘lib, bu ekologlarning g‘azabini qo‘zg‘amoqda.

Foto: AFP

Atakama, Chili

El-Tranziti qishlog‘i aholisi tinimsiz yoqqan yomg‘irlardan keyin balchiqlarni tozalamoqda.

Foto: Reuters

Madrid, Ispaniya

Model 2020/2021-yil kuz-qish mavsumiga mo‘ljallangan kolleksiyani namoyish etmoqda.

Foto: AFP

Uels, Buyuk Britaniya

Suonsi yaqinida quyosh botmoqda.

Foto: Shutterstock

Melburn, Avstraliya

Britaniyalik Jordanna Uayli va yaponiyalik Yui Kamiji aravachalardagi tennis bo‘yicha Avstraliya ochiq chempionati g‘olibligini nishonlamoqda.

Foto: The Guardian

Keyptaun, JAR

Keyptaunda Janubiy Afrika ko‘mir konferensiyasi o‘tkazilishiga qarshi ekofaollarning norozilik aksiyasi.

Foto: Reuters

Moskva, Rossiya

Moskvada “Orzular oroli” tematik parki qurilishi davom etmoqda.

Foto: “TASS”

Kaliforniya, AQSh

Alissa Altobellining do‘stlari uning xotirasi uchun “xitoycha fonar” uchirmoqda. Basketbolchi Kobi Brayant aviahalokatga uchragan vertolyotda Alissa Altobelli, uning ota-onasi Jon va Keri Altobelli ham bo‘lgan.

Foto: AP