2020-yil, 26-yanvar kuni NBA’ning afsonaviy basketbolchisi Kobi Brayant shaxsiy vertolyotida halokatga uchrab voqea joyida vafot etdi. Ushbu fotomaqola orqali Brayant faoliyatiga oid ma’lumatlar taqdim etiladi.

Foto: NBA

Kobi Brayant 1978-yilning 23-avgustida Filadelfiyada professional basketbolchi Jo Brayant oilasida tug‘ilgan. Bolaligi Italiyada o‘tgan, uning otasi o‘sha vaqtlari italyan klublarida faoliyat yuritardi. Uch yoshidan boshlab basketbol o‘ynashni boshlagan. Yoshligidan “Los-Anjeles Leykers” ishqibozi bo‘lgan.

Kobi qizi Nataliya va turmush o‘rtog‘i Vanessa bilan basketbol uchrashuvini tomosha qilmoqda. Foto: AP

Brayant “Boston”ning asonaviy basketbolchisi Bill Rassell bilan 2017-yili Las-Vegada NBA uchrashuvida.

Foto: AP

1991-yilda Brayantning oilasi Italiyadan AQShga qaytadi. Filadelfiyada Kobi maktab basketbol jamoasida o‘ynashni boshladi, uning jamoasi shtat chempioniga aylandi. Maktabdan keyin 1996-yilda “Sharlott Hornets” klubida NBA’dagi faoliyatini boshladi, shundan keyin “Los-Anjeles Leykers”ga o‘tdi.

Foto: Reuters

“LA Leykers”dagi 20 yillik faoliyati mobaynida Kobi Brayant besh bor NBA chempionligini qo‘lga kiritdi (2000, 2001, 2002, 2009 va 2010-yillarda) va 2008/09-yilgi mavsumning eng yaxshi o‘yinchisi deb topildi. 2009 va 2010-yillari NBA final bosqichining eng yaxshi basketbolchisiga aylandi. Shuningdek, u 18 marta NBA yulduzlari uchrashuvida qatnashdi, 15 bor yulduzlar terma jamoasidan o‘rin oldi.

Kobi 2001-yilning 18-aprelida 19 yoshli raqqosa qiz Vanessa Leynga uylanadi. Ular to‘rt nafar qiz farzand ko‘radi: Nataliya (2003-yilda tug‘ilgan), Janna (2006), Biyanka (2016) va Kapri (2019).

Foto: Twitter

Brayant o‘zini “Qora mamba” deb atardi. Bu ilonning hujumdagi mukammal harakati va o‘z salohiyatidan unumli foydalana olishi Kobini ilhomlantirgandi.

Foto: Reuters

Brayant o‘zining sermahsulligi bilan mashhur. U faoliyati mobaynida 33 643 ochko to‘plashga erishgan va NBA tarixidagi eng yaxshi o‘nta mergan ro‘yxatiga kirgan

Foto: Reuters

Xalqaro faoliyati mobaynida Brayant AQSh terma jamoasi bilan ikki bor Olimpiadada chempion bo‘lgan (2008 va 2012-yillarda), shuningdek, 2007-yilda Amerika chempionatida oltin medalga ega chiqqan

Foto: Reuters

Brayant eng ko‘p daromad ko‘radigan sportchilardan biri edi. Uning Nike, Adidas, Coca-Cola, Turkish Airlines, Nutella va boshqa kompaniyalar bilan tuzgan bitimlari katta daromad olib kelardi. Shuningdek, Kobi Nintendo va Kobe Inc. kompaniyalari bilan birga shaxsiy video o‘yinlar seriyasini chiqargan.

Foto: Reuters

Kobi Brayant AQSh shaharlarida bolalar uchun kompleks dasturlar yaratish bilan shug‘ullanadigan After School All Stars notijorat kompaniyasining elchisi edi.  Shuningdek, Kobi Xitoyda ta’lim va sog‘liqni saqlash sohasidagi dasturlarni qo‘llab-quvvatlovchi fondni ishga tushirgan. 2019-yili Brayant basketbol bo‘yicha Jahon chempionati FIBA’ning Xitoydagi rasmiy elchisi etib tayinlangandi.

Foto: Reuters

2017-yilda Kobe Inc. va animator Glen Kin studiyasi hamkorlikda “Qadrli basketbol” nomli besh daqiqalik multfilmni namoyish etdi. Multfilm Brayant faoliyatini yakunlagan vaqtda yozgan xati asosida ishlangandi.

Foto: Reuters

2018-yilning mart oyida Brayant “Qadrli Basketbol” uchun eng yaxshi qisqametrajli multfilm yo‘nalishida “Oskar” mukofotiga ega bo‘ldi.

Foto: AP

2020-yilning 26-yanvar kuni bortida Brayant bo‘lgan shaxsiy vertolyot Kalabasas shahrida halokatga uchradi. Vertolyot bortida bo‘lgan besh yo‘lovchining barchasi vafot etdi. Kobi Brayant 41 yoshda edi.

Foto: Getty Images

Vertolyotda Kobining 13 yoshli qizi Janna Brayant ham bo‘lgan. Kobi Jijini o‘zining basketboldagi vorisi deb bilar va uning mashg‘ulotlarini muntazam kuzatib borardi.