Futbol bo‘yicha Angliya Kubogining 1/16 final bosqichi doirasida 25-yanvar, shanba kuni bir qancha o‘yin bo‘lib o‘tdi.
Brendan Rojers qo‘l ostidagi “Lester” klubi safarda Chempionshipda to‘p suradigan “Brenford”ga qarshi maydonga tushdi.
Uchrashuvdagi yagona gol 4-daqiqada urildi. Unga “tulkilar” hujumchisi Kelechi Ixeanacho mualliflik qildi.
Shu tariqa “Lester” “Brenford”ni kichik 1:0 hisobida mag‘lub etib, musobaqaning keyingi bosqich yo‘llanmasini qo‘lga kiritdi.
Joze Mourinyo boshliq Londonning “Tottenhem” jamoasi “Sauthempton” maydoniga safar qildi.
Bellashuvning 58-daqiqasida “shporlar” hujumchisi Son Hyon Min hisobni ochgan bo‘lsa, 87-daqiqaga kelib mezbon jamoa yarim himoyachisi Sofyan Bufal hisobni tenglashtirdi.
Natijada o‘yin 1:1 hisobidagi durang bilan yakunlandi. Endilikda keyingi bosqichga chiquvchi jamoa nomi Londonda bo‘lib o‘tadigan bahsdan so‘ng ma’lum bo‘ladi.
Shu kuni Frenk Lempard boshqaruvidagi Londonning “Chelsi” klubi esa “Hall Siti” bellashdi.
Uchrashuv davomida “aristokratlar” a’zolari Mishi Batshuayi (6) hamda Fikayo Tomori (64) tomonidan urilgan gollarga “Hall Siti” Kamil Grositski (78)ning goli bilan javob qaytadi.
Shu tariqa bahs 2:1 hisobida “Chelsi”ning g‘alabasi bilan yakunlandi va jamoa Angliya Kubogining 1/8 finaliga yo‘l oldi.
Angliya Kubogi
1/16 final bahslari
25-yanvar, shanba
“Brenford”—“Lester” 0:1
Gol: 0:1 — 4 Ixeanacho“Sauthempton”—“Tottenhem” 1:1
Gollar: 0:1 — 58 Son Hyon Min, 1:1 — 87 Bufal“Milluoll”—“Sheffild Yunayted” 0:2
Gollar: 0:1 — 62 Beshich, 0:2 — 84 Norvud“Reding”—“Kardiff Siti” 1:1
Gollar: 0:1 — 5 Paterson, 1:1 — 8 Meyte“Vest Hem”—“Vest Bromvich” 0:1
Gol: 0:1 — 9 Taunsend“Byornli”—“Norvich” 1:2
Gollar: 0:1 — 53 Xenli, 0:2 — 57 Drmich, 1:2 — 72 Piters“Nyukasl”—“Oksford Yunayted” 0:0
“Hall Siti”—“Chelsi” 1:2
Gollar: 0:1 — 6 Batshuayi, 0:2 — 64 Tomori, 1:2 — 78 GrositskiYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)