Abxaziyada muxolifat tarafdorlari shturm bilan prezident administratsiyasi binosini egallashga urinib ko‘rdi. Shu tariqa ular prezidentlik saylovi natijalaridan norozi ekanligini bildirmoqda, deb yozmoqda Meduza.
Prezident administratiyasi binosi oldida 9-yanvar kuni taminan 800 kishi to‘plangan. Administratsiya binosi eshigini buzishga va derazasini sindirishga muvaffaq bo‘lgan. Shundan so‘ng politsiya va qo‘riqchilar namoyishchilarning ichkariga kirishi oldini olish uchun kuch ishlatishga majbur bo‘lgan.
Rasmiylar hodisani davlat to‘ntarishiga urinish deb baholadi va namoyishchilarni konstitutsiya doirasidan chiqmaslikka chaqirdi. Muxolifat vakillari, o‘z navbatida, prezident Raul Xajimbani iste’foga chiqishga chaqirdi va mamlakatdagi vaziyat keskin darajaga borganini ta’kidladi.
Prezident Raul Xajimbaning “Interfaks”ga ma’lum qilishicha, u ayni vaqtda Suxumida, o‘z ish joyida va yuz berayotgan hodisalarni tartibga solish bilan shug‘ullanmoqda. U yashirinishga urinmayotganini qayd etgan.
Abxaziyadagi prezidentlik saylovi 2019-yilning yozida bo‘lib o‘tgan. Raul Xajimba uchun 47,39 foiz saylovchi ovoz bergan. Uning raqibi Alxas Kvitsiniya uchun 46,17 foiz ovo berilgan. Muxolifat saylov natijalari yuzasidan sudga shikoyat qilgan, biroq o‘tgan yilning dekabr oyida Oliy sud da’voni arizasini rad etgan.
Izoh (0)