O‘zbekistonda moliyalashtirish manbasi aniq bo‘lmagan obyektlarda qurilishni boshlash va loyiha-smeta hujjatlarisiz qurilishni moliyalashtirish taqiqlanadi. Bu haqda O‘zbekiston Prezidenti Shavkat Mirziyoyev boshchiligda 8-yanvar kuni o‘tkazilgan videoselektorda ma’lum qilindi.
“Bugungi topshiriqlar ijrosini samarali tashkil etish iqtisodiy kompleksdan katta mas’uliyat talab etadi. Shu bois bu yil hukumat va hududlar uchun “iqtisodiy kompleksni safarbar qilish yili” bo‘ladi”, — dedi Shavkat Mirziyoyev.
Yig‘ilishda Davlat budjeti parametrlarini ijro etish va hududlarda tadbirkorlikni rivojlantirish bo‘yicha joriy yilgi ustuvor vazifalar muhokama qilindi.
Shuningdek, videoselektorda tadbirkorlikni rivojlantirish bo‘yicha ustuvor vazifalar belgilab berildi. Bundan tashqari, yangi Soliq kodeksining mazmun-mohiyatini keng targ‘ib qilish masalasi ham ko‘rib chiqildi.
Navoiy va Olmaliq kon-metallurgiya kombinatlari, “O‘zbekneftgaz”, “O‘ztransgaz”, “O‘zqurilishmateriallari”, “O‘zkimyosanoat” kabi yirik korxonalardan soliq yig‘ish ishlari bilan Yirik soliq to‘lovchilar bilan ishlash inspeksiyasi shug‘ullanishi qayd etildi.
Videoselektorda soha va tarmoqlar rahbarlari, hokimlar belgilangan prognoz rejalarni bajarish, tadbirkorlikni rivojlantirish masalalari yuzasidan hisobot berdi.
Izoh (0)