Futbol bo‘yicha Angliya Premyer Ligasining 20-turi doirasida 28-dekabr, shanba kuni bir nechta o‘yinlar yakunlandi.
Brendan Rojers qo‘l ostidagi “Lester” jamoasi “Vest Hem” maydoniga safar qildi.
Bellashuv davomida “tulkilar” vakillari Kelechi Ixeanacho (40) hamda Demerey Grey (56) raqib darvozasiga gol urgan bo‘lsa, mezbonlardan Pablo Fornals (45) o‘z hisobiga bitta gol yozdirib qo‘ydi.
Shu tariqa “Lester” mehmonda kechgan bahsda “Vest Hem”ni 2:1 hisobida mag‘lubiyatga uchratib, muhim 3 ochkoga ega bo‘ldi.
Ushbu g‘alabadan so‘ng musobaqa jadvalida 2-o‘rinda borayotgan “Lester” ochkolari sonini 42 taga yetkazib oldi. “Vest Hem” esa 19 ochko bilan 17-o‘rinni egallab turibdi.
Shu kuni Joze Mourinyo boshqaruvidagi Londonning “Tottenhem” klubi esa “Norvich” bilan bahsga kirishdi.
O‘yinning 18-daqiqasida “kanareykalar” yarim himoyachisi Mario Vranchich hisobni ochgan bo‘lsa, 55-daqiqaga kelib “shporlar” yarim himoyachisi Kristian Eriksen hisobni tenglashtirdi. Oradan 6 daqiqa o‘tib esa mehmonlar himoyachisi Serj Orye avtogol muallifiga aylandi (1:2). 83-daqiqada esa mezbonlar darvozasi tomon penalti belgilandi va undan londonliklar hujumchisi Harri Keyn unumli foydalanib hisobni tenglashtirishga muvaffaq bo‘ldi.
Natijada bahs 2:2 hisobida yakunlandi va tomonlar bir ochkodan bo‘lishib oldi.
Ma’lumot uchun, “Tottenhem” 30 ochko to‘plab musobaqa jadvalida 5-o‘rinni egallab turibdi. So‘nggi o‘rindagi “Norvich” esa 13 ochko to‘plagan.
APL
20-tur bahslari
28-dekabr, shanba
“Brayton”—“Bornmut” 2:0
Gollar: 1:0 — 3 Jahonbaxsh, 2:0 — 79 Muy“Nyukasl”—“Everton” 1:2
Gollar: 0:1 — 13 Kelvert-Lyuin, 1:1 — 56 Sher, 1:2 — 64 Kelvert-Lyuin“Sauthempton”—“Kristal Pelas” 1:1
Gollar: 0:1 — 50 Tomkins, 1:1 — 74 Ingz“Uotford”—“Aston Villa” 3:0
Gollar: 1:0 — 42 Dini, 2:0 — 67, penalti Dini, 3:0 — 71 Sarr“Norvich”—“Tottenhem” 2:2
Gollar: 1:0 — 18 Vranchich, 1:1 — 55 Eriksen, 2:1 — 61, avtogol Orye, 2:1 — 83, penalti Keyn“Vest Hem”—“Lester” 1:2
Gollar: 0:1 — 40 Ixeanacho, 1:1 — 45 Fornals, 1:2 — 56 GreyYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)