Farg‘ona viloyati Beshariq tumanida sodir bo‘lgan YTH oqibatida 65 yoshli fuqaro halok bo‘ldi. Bu haqda Yo‘l harakati xavfsizligi bosh boshqarmasi xabar berdi.
24-dekabr kuni soat 19:00 larda 4K-896 “Beshariq—Chorvoqturkacha—Baliqchi” avtomobil yo‘lining 4-kilometrida noma’lum mashina yo‘lni belgilanmagan joyidan kesib o‘tayotgan piyoda urib yuborib, yo‘l-transport hodisasi joyidan yashiringan. Olingan tan jarohatlari oqibatida piyoda voqea joyida vafot etgan.
Olib borilgan tezkor qidiruv va surishtiruv ishlari natijasida ushbu yo‘l-transport hodisasini haydovchi Beshariq tumanida yashovchi, 1985-yilda tug‘ilgan M.A. o‘z boshqaruvidagi “Vaz-21051” rusumli avtomobilida sodir etgani aniqlanib, aybdor shu kunning o‘zidayoq qo‘lga olingan.
Izoh (0)