Ernst&Young (EY) kompaniyasi O‘zbekiston qimmatli qog‘ozlar bozorida konsultativ xizmatlar ko‘rsatish bo‘yicha litsenziyaga ega bo‘ldi. Bu haqda kapital bozorini rivojlantirish agentligi axborot xizmati xabar qilgan.
Bundan tashqari, tashkilot qimmatli qog‘olar bozoridagi mutaxassislarni qayta tayyorlash va malakasini oshirish, shuningdek mijozning qimmatli qog‘ozlar bozoridagi hisobotini tayyorlash bilan shug‘ullanadi.
Kapital bozorini rivojlantirish agentligi axborot xizmatining qayd etishicha, O‘zbekistonda bugungi kunda investitsiya bo‘yicha maslahat beruvchi litsenziyaga ega 44 ta kompaniya faoliyat olib bormoqda.
Avval KPMG kompaniyasi investitsiya masalalari bo‘yicha konsultant kompaniya sifatida O‘zbekistonda litsenziya olgan. Xalqaro miqyosdagi auditorlik tashkilotlarining “katta to‘rtligi”ga kiruvchi KPMG 2018-yilning aprel oyida 10 yillik tanaffusdan keyin yana Toshkentda ofisini ochgandi.
Izoh (0)