Яқин ўтмишда Ўзбекистон меҳмонхоналар тармоғида халқаро меҳмонхоналар жуда кам эди. Баъзи халқаро тармоқлар мамлакатдаги инвестицион муҳит номувофиқ бўлганлиги сабабли ўз бизнесини йиғиштиришга мажбур бўлган эдилар. Бироқ ҳозир вазият ижобий томонга ўзгармоқда. Мамлакатимиздаги сайёҳлик инфратузилмани қайси глобал тармоқлар ривожлантиришга тайёр эканлиги ҳақида «Tashkent City» Халқаро ишбилармонлик маркази раҳбарияти вакиллари сўзлаб бердилар.
Сўнгги пайтларда Ўзбекистонда туризмни ривожлантириш ва ушбу соҳани иқтисодиётнинг стратегик соҳасига айлантириш бўйича режа асосида фаол ишлар олиб борилмоқда. Чет эллик фуқаролар олдида Ўзбекистон имижини ижобий тарафга шакллантириш учун кўплаб халқаро тадбирлар ўтказилди. Мамлакатимиз президенти Шавкат Мирзиёев томонидан туристик бизнесни ривожлантиришга йўналтирилган меёрий-ҳуқуқий ҳужжатлар қабул қилинди ва 2019—2025 йилларда туризм соҳасини ривожлантириш Концепцияси ишлаб чиқилди. Бундан ташқари, 2020 йилдан бошлаб фуқаролари Ўзбекистонга визасиз кириш мумкин бўлган мамлакатлар сони 86 тани ташкил этади.
Ўзбекистон Республикаси Туризмни ривожлантириш Давлат қўмитаси томонидан берилган сўнгги статистик маълумотларга мувофиқ жорий йилнинг 9 ой мобайнида мамлакатимизга 4,9 млн сайёҳ ташриф буюрган. Келгуси йили ушбу рақам 5 миллиондан ошиши кутилмоқда.
Албатта, ушбу салобатли рақамлар оптимизм туғдиради. Шу билан бир қаторда улар ҳукумат органлари олдига мамлакатимиздаги туристик инфратузулмани янада яхшилаш, Ўзбекистонга ташриф буюраётган чет эллик сайёҳлар дам олиши учун муносиб шароитлар яратиш, сервис сифатини ошириш, янги меҳмонхоналар қуриш каби вазифаларни қўяди.
Яқинда Ўзбекистон меҳмонхоналар бозори ривожланмаган деб ҳисобланар эди, чунки бу ерда халқаро меҳмонхоналар жуда кам эди. Баъзи халқаро тармоқлар мамлакатдаги инвестицион муҳит номувофиқ бўлганлиги ва кафолатлар йўқлиги сабабли ўз бизнесини йиғиштиришга мажбур бўлган эдилар. Хусусан InterContinental Group, Dedeman, Le Meridiyen ва Sheraton ўз бизнесини ёпишган эди. 2005 йилдан 2016 йилгача пойтахтимизда фақатгина битта халқаро классдаги Hyatt Regency меҳмонхонаси қурилган эди. Шак-шубҳасиз бу Ўзбекистоннинг туристик соҳасини ривожлантиришга салбий таъсир этар эди.
Мамлакатда халқаро меҳмонхоналар брендларини мавжудлиги психологик нуқтаи назардан чет эллик сайёҳлар ўз дам олишини режалаштиришда муҳим омил ҳисобланади. Йирик меҳмонхоналарни мавжудлиги мамлакатни очиқлиги, унинг имижи ижобийлиги, шинамлик ва хавфсизлик даражаси юқори эканлигидан далолат беради. Шу сабабли мамлакат раҳбарияти томонидан ҳудудга янги ва очиқ Ўзбекистонни рамз этувчи Tashkent City флагман лойиҳасини ва ушбу соҳа етакчиларини жалб этиш масаласи қўйилган эди.
Tashkent City ҳудудида бир неча халқаро брендларнинг турли мақомли ва қийматли меҳмонхоналари жойлашади. Масалан, Лот №2 ҳудудида Radisson тармоғига кирувчи ўрта қийматли Park Inn меҳмонхонаси қурилади. Ушбу меҳмонхона 20 қаватли биноларнинг бирида жойлашади. 2021 йилда очиладиган ушбу меҳмонхонада 300 та хона, 50 та кошона хона, тадбирлар ўтказиш учун 5 конференц-зал, ресторан, бар, тренажёр зал ва бошқа кўнгилочар масканлар ва савдо расталари жойлашади.
Лот №3 инвесторлари ушбу ерда беш юлдузли Sheraton меҳмонхонасини очишга келишиб олдилар. Француз оператори учун бу Ўзбекистонга иккинчи маротаба кириб келиши бўлади. Компания мамлакатимизда инвестицион ҳолат яхшиланганлиги сабабли Ўзбекистонга қайтишга қарор қилди. Беш юлдузли меҳмонхона қурилаётган баландлиги 129 метр бўлган 32 қаватли бинода жойлашади. Sheraton фонди 208 та турли қулайликдаги хонадан ва 100 та кошона хонадан иборат бўлиши режалаштирилган. Меҳмонхонани ишга туширилиши 2021 йилда амалга ошади.
Лот №4 нинг дастлабки лойиҳасида 2021 йилда ушбу ерда Ўзбекистонга илк бор Nest One осмонўпар иморат барпо этилади. Шунингдек бу ерда халқаро классдаги меҳмонхонани қуриш режалаштирилмоқда. Ҳозирги пайтда бир неча «люкс» классли етакчи меҳмонхоналар операторлари билан музокаралар олиб борилмоқда. Келишувни имзоланиши келгуси йилга режалаштирилган.
Бундан ташқари ҳозирги пайтда Tashkent City ҳудудида Hilton люкс меҳмонхонаси муваффақиятли фаолият олиб бормоқда. Hilton Tashkent City Ўзбекистонда йирик халқаро форум ва саммитлар ўтказиш учун энг бош меҳмонхона бўлиб қолди, чунки бу ерда бирйўла 8 президент номерлари мавжуд.
Лот №7 меҳмонларни InterContinental Group тармоғига кирувчи Holiday Inn меҳмонхонаси билан хурсанд қилади. Шуни таъкидлаш лозимки, Sheraton каби InterContinental Group ҳам бизнинг меҳмонхоналар бозоримизга иккинчи маротаба мустаҳкам ўрнашиб олиш учун уринишидир. Ушбу тўрт юлдузли меҳмонхона мумтоз архитектр услубда барпо этилади ва Boulevard мажмуаси билан ягона ансамбл ташкил этади. 272 хонадан, шу жумладан 8 та люкс хона ва 4 та кичик люкс хонадан, иборат ва интерьери Москванинг етакчи дизайн-студияларидан бири томонидан яратиладиган ушбу меҳмонхона биринчи ташриф қилувчиларни 2020 йилда қабул қилади. Holiday Inn меҳмонхонасини ажратиб турадиган хусусияти – бу Tashkent City хушманзара томоша боғига қараб турувчи ресторанидир.
Шундай қилиб, халқаро марказнинг саккизта лотида жаҳоннинг турли тармоқларини ифодалаб берувчи бешта меҳмонхона жойлашади. Бу ҳаммаси мамлакатимизда амалга оширилаётган энг йирик шаҳарсозлик лойиҳага жаҳонда машҳур сармоядорларнинг ишончини билдиради ва Ўзбекистонда бизнес муҳитни ва туристик соҳани яхшилаш бўйича амалга оширилаётилган ишларга юксак баҳодир.
Реклама ҳуқуқи асосида.
Изоҳ (0)