O‘zbekiston Britaniyaning The Economist jurnali versiyasiga ko‘ra “Yil davlati”ga aylandi. O‘tgan yili ushbu nom Armanistonga nasib etgandi, deb xabar beradi Spot.
Nashrning ta’kidlashicha, joriy yilda tanlovni amalga oshirish juda qiyin kechgan bo‘lib, mamlakatda yil davomida erishilgan demokratik yutuqlar uning kelajakda taraqqiyot yo‘lidan qaytmasligini kafolatlamaydi.
Bundan tashqari, 2019-yilda eng yorqin siyosiy tendensiyalar salbiy bo‘ldi: jangari millatchilik.
“Dunyo miqyosidagi to‘lqin shu qadar kuchli bo‘ldiki, shunga qaramay, ba’zi mamlakatlar boshqacha yo‘l tutganini ko‘rish yoqimli bo‘ldi”, — deya jurnal misol sifatida Yangi Zelandiyani keltiradi.
Tahririyat Shimoliy Makedoniya va Sudan kabi bir qator mamlakatlarning taraqqiyotini alohida qayd etib o‘tgan. Birinchisi joriy yilda o‘z nomini o‘zgartirdi, buning natijasida Gretsiya bilan munosabatlar ancha iliqlashdi va ikkinchisi dunyodagi eng qabih zolimlardan biri hisoblanuvchi Umar al-Bashirning islomiy rejimidan xalos bo‘lishga muvaffaq bo‘ldi.
Shunday qilib, O‘zbekiston g‘olib deya topildi. Maqolada ta’kidlanishicha, bundan uch yil oldin erkaklar, ayollar va bolalardan iborat “qo‘shinlar” paxta dalalariga majburiy mehnatga jalb etilgan, mamlakatning o‘zi esa “qattiqqo‘l va kompetensiyaga ega bo‘lmagan yopiq jamiyat” bo‘lgan.
2018-yili Davlat xavfsizligi xizmatining rahbari iste’foga chiqarilishi bilan mamlakatda bir qator islohotlar amalga oshirilgani ham qayd etilgan.
“Hukumat sezilarli darajada majburiy mehnatni bas qildi. Mudhish nomi bilan tanilgan qamoqxona yopildi. Xorijlik jurnalistlar mamlakatga kiritilmoqda. Amaldorlarga o‘z biznesini rivojlantirish taqiqlandi. Davlat iqtisodiyotini qurish uchun xorijlik texnokratlar taklif etilmoqda”, — deyiladi maqolada.
Izoh (0)