O‘zbekistonda Marriott xalqaro tarmog‘ining birinchi Courtyard mehmonxonasi ochiladi, deb yozadi Spot.
Marriott International dunyodagi eng yirik uchta mehmonxona tarmog‘idan biri hisoblanadi. Ushbu brend ostida 131 ta mamlakatda 7000 dan ortiq obyektlar faoliyat yuritadi. Ularning aksariyati franshiza bo‘yicha ishlaydi.
Courtyard kompaniyaning 30 ta brendidan biri hisoblanadi. Ular o‘rtacha narxga ega pragmatik mehmonxonalar hisoblanadi. 2018-yilning oxirida butun dunyoda 1200 ta ana shunday mehmonxona qayd etilgan.
Courtyard by Marriott Tashkent Yakka-Saray to‘rt yulduzli mehmonxona bo‘ladi. Unda 131 ta nomer, 250 kishiga mo‘ljallangan konferens zal bo‘ladi. Mehmonxona vokzal va aeroportdan 5 daqiqalik masofada joylashadi.
Avvalroq Toshkent xalqaro aeroporti yaqinida yana bir yirik mehmonxona ochilishi haqida xabar berilgan edi.
Izoh (0)