Xorij OAVlarida Sirdaryo suv sathi xavfli darajada ko‘tarilayotgani haqida shov-shuvli xabarlar tarqalgan. Aholi bu haqda ogohlantirilib, ehtiyot bo‘lishga ham chaqirilgan, deb yozmoqda O‘zA.
“Sirdaryo daryosining Josali irmog‘idagi gidrologik nazorat postida kuzatilgan muz qatlamlari sababli suv sathi xavfli darajaga yaqinlashgan. Ertalab soat 08:00 holatiga ko‘ra, suv sathi 638 santimetr bo‘lgan. Xavfli ko‘rsatkich esa 665 santimetrdan boshlanadi. Aholi punktlarini suv bosish belgisi 770 santimetrni tashkil etadi”, deya xabar bergan Qozog‘iston nashrlaridan biri.
Ushbu hodisaning qanchalik xavfli yoki xabarning qanchalik haqiqatga yaqinligi bo‘yicha Sirdaryo viloyat Favqulodda vaziyatlar boshqarmasi ma’lumot berdi.
“Sirdaryo daryosining suv sathi ayni vaqtda 732 kub sekundni ko‘rsatmoqda. Bu xavfdan ancha yiroq bo‘lgan raqam hisoblanadi. Aslida suv sathi 1 800 kub sekundga yaqinlashgandagina ehtiyot choralari ko‘riladi, aholi ogohlantiriladi. Ayni damda bu borada O‘zbekistonda hech qanday xavf yo‘qligini ma’lum qilamiz”.
Izoh (0)