Qozog‘istonlik tadbirkor Armanjan Baytasov Forbes Uzbekistan jurnali faoliyatini yo‘lga qo‘ymoqchi, deb xabar beradi Spot.
Bizning kompaniyamiz Forbes jurnalini O‘zbekistonda nashr etish huquqini olganini mamnuniyat bilan ma’lum qilmoqchiman. Yangi loyihani yaratish har doim meni yangi yutuqlarga ilhomlantiradi. Bunday brend ostida keyingi loyihani ishga tushirish ikki karra yoqimli. Bu hayotiy energiya beradi va qo‘shimcha ijobiy munosabat yaratadi”, — deydi tadbirkor.
Tadbirkorga ko'ra, Forbes nashrining O'zbekistonda ochilishi juda dolzarb, chunki respublika biznes yuritish nuqtai nazaridan juda istiqbolli.
“O‘zbekiston dunyodagi eng jadal rivojlanayotgan davlatlardan biri bo‘lib, yirik investorlar uchun juda qulay shart-sharoitga ega. Qo‘shni mamlakat iqtisodiyotida ro‘y berayotgan o‘zgarishlar, O‘zbekiston hukumatining investorlarga yaratayotgan shart-sharoitlari katta qiziqish uyg‘otmoqda. Qozog‘iston va O‘zbekiston juda yaqin mamlakatlardir. Biz uzoq vaqt davomida bir davlat — SSSR doirasida mavjud edik. Va mentalitet jihatdan biz bir-birimizni juda yaxshi tushunamiz. Ijodiy va biznes elita hatto ittifoqning parchalanishidan keyin ham yaqin aloqada bo'lib, bir-biri bilan aloqalarni saqlab qoldi. Bularning barchasi bizga O‘zbekistonda media-loyihani qisqa muddatda rivojlantirish va muvaffaqiyatga erishishimiz mumkinligi haqida tassurot uyg‘otadi”, - deya qo‘shimcha qildi tadbirkor.
Uning fikricha, aholisi 33 million kishidan oshadigan O‘zbekiston yirik mushtariylar auditoriyasiga ega. Shuning uchun, hech bo‘lmaganda, ushbu respublika fuqarolarining bir qismida sifatli tahlil va biznes jurnalistikasiga talab bor.
“Biz bunday materiallarni tayyorlash, ushbu auditoriyaga kerak bo‘ladigan kontentni yaratish borasida katta tajribaga egamiz”, dedi Armanjan Baytasov.
Yangi jurnal tahririyati binosi Toshkent shahrida bo‘ladi. Mushtariylarga nashrning bosma va sayt ko‘rinishlaridagi versiyasi taqdim etiladi. Jurnal hozircha faqat rus tilida, sayt esa rus va o‘zbek tillarida bo‘ladi.
Dekabr oyidan jurnal tahririyatiga kelgan rezyumelar ko‘rib chiqila boshlaydi, keyin esa jurnalistlar bilan suhbat jarayoni boshlanadi. Forbes Uzbekistan’ning ilk soni 2020-yilning mart oyida chop etilishi rejalashtirilgan.
O‘zbekistonda OAV ustav fondinning faqat 30 foizigina xorijiy hamkorga tegishli bo‘lishi mumkin. Baytasov bu masalani qanday hal qilishi hozircha noma’lum, deyiladi xabarda.
Izoh (0)