Wyndham Hotels & Resorts yaqin ikki yil ichida MDHning bir necha mamlakatlarida 15 ta yangi mehmonxona ochishni rejalashtirmoqda, deb xabar berdi Spot.
Wyndham Hotels & Resorts prezidenti va boshqaruv raisi Dimitris Manikis mintaqani sanoatni rivojlantirish uchun istiqbolli deb hisoblaydi.
Hozirda kompaniya Toshkentdagi Wyndham Tashkent (sobiq Dedeman Silk Road Tashkent) va Ramada mehmonxonalariga egalik qiladi. Yangi mehmonxona Toshkent xalqaro aeroportiga yaqin joyda quriladi.
Xabar berishlaricha, mehmonxonada 100 ga yaqin nomer (xususan ulardan 29 tasi lyuks), ochiq basseynlar, to‘rtta restoran, bar, biznes-zal, ofislar, konferens-zallar bo‘ladi.
Bundan tashqari, kompaniya Buxoroda ham mehmonxona ochishni rejalashtirmoqda.
Wyndham Garden Tashkent International Airport mehmonxonasining ochilishi 2021-yilga mo‘ljallanmoqda.
Wyndham Hotels & Resorts olti qit’adagi 80 dan ortiq mamlakatlarda 9 200 tadan ortiq mehmonxonaga ega bo‘lgan dunyodagi eng yirik franchayzing kompaniya hisoblanadi.
Izoh (0)