Shu kunlarda AKFA kompaniyasi “Employer Brand Award & Summit-2019” xalqaro yillik mukofotiga bag‘ishlangan tadbirda ishtirok etdi. Ushbu mukofot bilan ilg‘or ish beruvchilar va yetakchi HR-g‘oyalar tegishli nominatsiyalar bo‘yicha taqdirlanib kelinadi.
“Employer Brand Award & Summit-2019” mukofoti O‘zbekiston, Qozog‘iston, Qirg‘iziston, Rossiya, Ukraina, Belarus kabi MDH hamda Yevropa davlatlari o‘rtasida HR-industriyasida malaka almashish imkoniyati yaratilishi uchun an’anaviy ravishda tashkil etiladi. Jumladan, ushbu sammit mehnat bozorida o‘z imijini qo‘llab-quvvatlovchi, malakali mutaxassislarni jalb qiluvchi va xodimlarga qulay shart-sharoit yaratuvchi qator kompaniyalarni birlashtirdi. Tanlov natijasiga ko‘ra, qatnashayotgan davlatlarning mahalliy va jahon brendlari o‘rtasida ish beruvchilarning obyektiv ro‘yxati shakllandi.
Tanlov natijalariga ko‘ra 7 ta nominatsiya bo‘yicha g‘oliblar aniqlandi. AKFA kompaniyasi ulardan 3 tasida qatnashib, quyidagi o‘rinlarni qo‘lga kiritdi:
- 1-o‘rin - “Biznes natija” nominatsiyasi bo‘yicha kompaniyaning biznes rivojidagi hissasi va kiritilgan investitsiyalardagi yuqori ko‘rsatkichlari uchun;
- 2 -o‘rin - “Iste’dod egalarini qo‘llab-quvvatlash” nominatsiyasi bo‘yicha, inson salohiyatini rivojlantiruvchi dastur va loyihalari uchun;
- 3-o‘rin - “Innovatsiyalar” nominatsiyasida biznes va xodimlarni boshqarish sohasida zamon talabiga javob beruvchi loyihalari uchun taqdirlandi.
Mutaxassislar tomonidan AKFA kompaniyasining zamonaviy texnologiyalardan foydalanish va ularni mamlakatimizda rivojlantirish muvofiqligi belgilandi. “Employer Brand Award & Summit-2019” xalqaro yillik mukofoti kompaniyadagi tadbiq etilgan tizimni namoyish etish va HR-industriyasida brend imijini rivojlantirish imkoniyatini yaratdi.
Sayt: www.akfa.uz
Murojaat uchun tel:
+ 998 71 203 00 00
Telegram: https://t.me/AKFAGROUP_Official
Reklama huquqi asosida.
Izoh (0)