MMA bo‘yicha Toshkent mezbonlik qiladigan GFC 20 musobaqasining faxriy mehmoni Habib Nurmagomedov 21-noyabr, payshanba kuni Toshkent davlat iqtisodiyot universiteti talabalari bilan uchrashdi.
Uchrashuvda Habib Nurmagomedov sportchi bo‘lmaganida qaysi kasbni tanlashi mumkinligi haqida gapirib o‘tdi.
“Sportchi bo‘lmaganimda balkim pomidor sotuvchisi yoki uni yetishtiruvchi bo‘lardim (zalda kulgi). Qanday kasb egallashimdan qat’i nazar mehnat qilishdan to‘xtamasdim. Sportda erishgan yutuqlarim ham mashaqqatli mehnat natijasi, deb hisoblayman. Inson mehnat qilishdan qochmasligi, o‘z ustida ishlashdan chekinmasligi kerak”, — deydi Habib.
Eslatib o‘tamiz, Habib 20-noyabr kuni Toshkentga yetib kelgandi.
Avvalroq rossiyalik yakkakurashchi ishtirokida 21-noyabr kuni Toshkentdagi Hilton mehmonxonasida matbuot anjumani o‘tkazilishi belgilangandi. Ammo keyinchalik mazkur marosim 22-noyabrga qoldirilgani ma’lum qilindi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)