MMA bo‘yicha GFC 20 musobaqasidan oldin 22-noyabr kuni Toshkentda matbuot anjumani tashkil etiladigan bo‘ldi.
Avvalroq ushbu tadbirning 21-noyabr, payshanba kuni bo‘lishi, ammo uning ayrim sabablarga ko‘ra qoldirilgani haqida xabar berilgandi. Tashkilotchilarning ma’lum qilishicha, Habib Nurmagomedov ishtirok etishi kutilayotgan ushbu marosim 22-noyabr, juma kuni soat 16:00 da Xalqaro forumlar saroyida tashkil etiladi.
Eslatib o‘tamiz, 20-noyabr, chorshanba kuni GFC 20 musobaqasida jang qiladigan Umar Nurmagomedov va musobaqaning faxriy mehmoni Habib Nurmagomedov o‘z jamoasi bilan Toshkentga yetib kelgandi.
Izoh (0)