Toshkent shahar Yong‘in xavfsizligi boshqarmasi matbuot xizmati Yunusobod tumanida joylashgan omborxonada yuzaga kelgan yong‘in haqida ma’lumot berdi.
19-noyabr kuni soat 11:09 da Yunusobod tumani I.Ahmad ko‘chasi 14-uyda joylashgan, “Smart Stroy Building” va “Teplo Luks Biznes” MCHJlarga qarashli omborxona 200 kvadrat metr maydonida yongan. Yong‘indan 1500 kvadrat metr maydonidagi qurilmalar saqlab qolingan. Yong‘in o‘chirish jangovar bo‘linmalari chaqirilgan manzilga soat 11:15 da yetib borgan va ko‘rilgan tezkor chora va harakatlar natijasida yong‘in soat 11:49 da qurshab olinib, soat 12:01 da o‘chirilgan.
Yong‘in sababi va keltirilgan moddiy zarar miqdori aniqlanmoqda. Yong‘indan insonlarni halok bo‘lish va tan jarohati olish holatlari qayd etilmadi. Yong‘in joyiga 6 ta yong‘in o‘chirish texnikalari jalb qilingan.
Shu munosabat bilan Toshkent shahar Yong‘in xavfsizligi boshqarmasi iqtisodiyot tarmoqlari va ijtimoiy soha obyekt rahbar hamda xodimlarini, shuningdek, fuqarolarimizni yong‘in xavfsizligi qoidalariga qat’iy rioya etishlarini so‘rab qoladi.
Izoh (0)