Adliya vazirligi Jahongir Ortiqxo‘jayev bilan bog‘liq audioyozuv bo‘yicha bayonot berdi. Vazirlik ushbu vaziyatni o‘rganish jarayonida Bosh prokuratura bilan hamkorlik qilmoqda.
Mavzuga doir: Toshkent shahar hokimi Jahongir Ortiqxo‘jayev qaysi muxbirlarga tahdid qilgani ma’lum bo‘ldi
Avvalroq, Bosh prokuratura Jahongir Ortiqxo‘jayevga mansubligi ta’kidlanib tarqatilgan audioyozuvlarning haqqoniyligi, qachon, qayerda va qanday holatlarda yuz berganligi hamda boshqa holatlar o‘rganilayotganini ma’lum qilgandi. Shuningdek, Toshkent shahar hokimligi audioyozuv masalasiga oydinlik kiritish va uni har tomonlama o‘rganish maqsadida mutasaddi idoralar vakillaridan iborat ishchi guruh tuzilganini haqida xabar bergandi.
Eslatib o‘tamiz, 16-noyabr kuni ijtimoiy tarmoqlarda Toshkent shahar hokimi Jahongir Ortiqxo‘jayevning jurnalistlarni yo‘q qilish tahdidi aks etgan audioyozuvi tarqaldi. “Adolat” sotsial-demokratik partiyasi birinchilardan bo‘lib ushbu audiyozuvga munosabat bildirdi. Partiya holatni inson huquqlari va uning sha’ni, qadr-qimmati, daxlsiz huquqlarining buzilishi deb hisoblashini ma’lum qildi.
AOKA audioyozuv bo‘yicha o‘rganish olib borilayotgani hamda o‘rganish natijasida tegishli choralar ko‘rilishini ma’lum qildi.
Xalq demokratik partiyasi Jahongir Ortiqxo‘jayevning jurnalistlarga tahdidini xalq va davlatga hurmatsizlik deb baholagan bo‘lsa, “Milliy tiklanish” audioyozuv haqiqiyligi isbotlanmagunga qadar unga munosabat bildirishdan bosh tortgani haqida xabar berilgandi.
Shuningdek, O‘zbekiston jurnalistlar uyushmasi Jahongir Ortiqxo‘jayev bilan bog‘liq audioyozuv bo‘yicha huquq-tartibot idoralari o‘z xulosalarini bildirishi kerakligini ma’lum qilgandi.
Izoh (0)