Адлия вазирлиги Жаҳонгир Ортиқхўжаев билан боғлиқ аудиоёзув бўйича баёнот берди. Вазирлик ушбу вазиятни ўрганиш жараёнида Бош прокуратура билан ҳамкорлик қилмоқда.
Мавзуга доир: Тошкент шаҳар ҳокими Жаҳонгир Ортиқхўжаев қайси мухбирларга таҳдид қилгани маълум бўлди
Аввалроқ, Бош прокуратура Жаҳонгир Ортиқхўжаевга мансублиги таъкидланиб тарқатилган аудиоёзувларнинг ҳаққонийлиги, қачон, қаерда ва қандай ҳолатларда юз берганлиги ҳамда бошқа ҳолатлар ўрганилаётганини маълум қилганди. Шунингдек, Тошкент шаҳар ҳокимлиги аудиоёзув масаласига ойдинлик киритиш ва уни ҳар томонлама ўрганиш мақсадида мутасадди идоралар вакилларидан иборат ишчи гуруҳ тузилганини ҳақида хабар берганди.
Эслатиб ўтамиз, 16 ноябрь куни ижтимоий тармоқларда Тошкент шаҳар ҳокими Жаҳонгир Ортиқхўжаевнинг журналистларни йўқ қилиш таҳдиди акс этган аудиоёзуви тарқалди. «Адолат» социал-демократик партияси биринчилардан бўлиб ушбу аудиёзувга муносабат билдирди. Партия ҳолатни инсон ҳуқуқлари ва унинг шаъни, қадр-қиммати, дахлсиз ҳуқуқларининг бузилиши деб ҳисоблашини маълум қилди.
АОКА аудиоёзув бўйича ўрганиш олиб борилаётгани ҳамда ўрганиш натижасида тегишли чоралар кўрилишини маълум қилди.
Халқ демократик партияси Жаҳонгир Ортиқхўжаевнинг журналистларга таҳдидини халқ ва давлатга ҳурматсизлик деб баҳолаган бўлса, «Миллий тикланиш» аудиоёзув ҳақиқийлиги исботланмагунга қадар унга муносабат билдиришдан бош тортгани ҳақида хабар берилганди.
Шунингдек, Ўзбекистон журналистлар уюшмаси Жаҳонгир Ортиқхўжаев билан боғлиқ аудиоёзув бўйича ҳуқуқ-тартибот идоралари ўз хулосаларини билдириши кераклигини маълум қилганди.
Изоҳ (0)