Toshkent shahrida 17—18-noyabr kunlari O‘zbekiston Respublikasi davlat bayrog‘i qabul qilinganligining 28 yilligi munosabati bilan vatanparvarlik ruhidagi madaniy-ko‘ngilochar va sport tadbirlari o‘tkazilishi rejalashtirilgan. Bu haqda Toshkent shahar hokimligi ma’lum qildi.
Xabar berilishicha, tashkil etilayotgan tadbirlar “Davlat bayrog‘i — faxrim, g‘ururim!” shiori ostida o‘tkaziladi.
17-noyabr kuni soat 11:00 dan 12:00 gacha Amir Temur xiyobonidan Islom Karimov ko‘chasi bo‘ylab Xalqlar do‘stligi maydonigacha harbiy otliqlar otryadining O‘zbekiston davlat bayrog‘i marshi o‘tkaziladi.
Xuddi shu vaqtda Yashnobod tumanidagi flagshtok o‘rnatilgan maydondan Xalqlar do‘stligi maydonigacha velosportchilarning O‘zbekiston davlat bayrog‘i marshi bo‘lib o‘tadi.
Shu kuni soat 15:00 dan 17:00 gacha Oybek va Nukus ko‘chalari kesishmasidan “Humo arena” muz saroyigacha “Davlat bayrog‘i — faxrim, g‘ururim!” ommaviy yugurish marafoni o‘tkaziladi.
18-noyabr kuni soat 12:00 dan 16:00 gacha Bektemir tumanidagi baland flagshtok o‘rnatilgan aylanma yo‘lda madaniy-ko‘ngilochar va sport tadbirlari o‘tkaziladi.
Shu kunning o‘zida soat 16:00 dan 17:00 gacha Bektemir tumanidagi flagshtok o‘rnatilgan maydondan Xalqlar do‘stligi maydonigacha avto, motohavaskorlar jamoalarining O‘zbekiston davlat bayrog‘i marshi bo‘lib o‘tadi.
Soat 16:00 dan 19:00 gacha esa Yashnobod tumanidagi baland flagshtok o‘rnatilgan xiyobonda bayram tadbiri tashkil etiladi.
Soat 16:00 dan 20:00 ga qadar Xalqlar do‘stligi maydonida asosiy bayram tadbiri bo‘lib o‘tadi.
Izoh (0)