Samarqandda bo‘lib o‘tayotgan “Valday” klubi anjumani ishtirokchilariga O‘zbekiston Prezidenti Shavkat Mirziyoyevning murojaatnomasi o‘qib eshittirildi. Murojaatnomani O‘zbekiston Prezidenti huzuridagi Xavfsizlik kengashi kotibi Viktor Mahmudov o‘qib eshittirdi, deb xabar beradi Sputnik.
Hurmatli mehmonlar, ‘Valday’ klubining X Osiyo anjumanini ishtirokchilari. Olimlar va ekspertlarni qabul qilish biz uchun katta sharaf. O‘zbekistonning hosildor va mehmondo‘st zaminiga xush kelibsiz.Ma’lumot uchun, bugun 11-noyabr kuni Samarqandda “Valday” xalqaro munozara klubining X Osiyo konferensiyasi o‘z ishini boshladi. Konferensiyada dunyoning 11 davlati, jumladan, O‘zbekiston, Rossiya, Xitoy, Germaniya, Yaponiya, Shvetsiya, Hindiston, Filippin, Qozog‘iston, Qirg‘iziston va Tojikistondan 80 dan ortiq taniqli ekspertlar ishtirok etmoqda.Ushbu anjuman Samarqandda bo‘layotgani bejiz emas. Bu shaharda asrlar davomida g‘arb va sharq madaniyati bir-birini boyitib, yangi ilmiy g‘oya va bilimlar yaratilib kelgan. Dunyo sivilizatsiyasi rivojlanishiga ulkan hissa qo‘shgan Samarqand bugungi kunda ham xalqaro hamkorlikni mustahkamlashda muhim rol o‘ynamoqda. So‘nggi 2 yil ichida bu yerda xavfsizlik mavzusida bir necha muhim yuqori darajali xalqaro anjumanlar bo‘lib o‘tdi. Bugungi uchrashuv ham ana shunday ochiq va o‘zaro tushunish ruhida bo‘lib o‘tishiga ishonaman.
‘Valday’ klubining har bir anjumani butun dunyo jamoatchiligi va mutaxassislarining katta qiziqishini uyg‘otadigan yirik hodisa hisoblanadi. O‘ylaymanki, bugun muhokama qilinadigan, Yevrosiyo qit’asida sodir bo‘layotgan murakkab o‘zgarishlarga bag‘ishlangan anjuman ham ana shunday sermahsul bo‘ladi va kelajak hamkorlikning yangi yo‘nalishlarini belgilab beradi.
Yevrosiyo hududida va umumiy geosiyosatda Markaziy Osiyoning roli kuchayib bormoqda. Markaziy Osiyo davlatlarining birgalikdagi sa’y-harakatlari bilan qisqa vaqt ichida hududda mutlaq yangi do‘stlik va qo‘shnichilik muhiti yaratildi. O‘zaro siyosiy ishonch darajasi ortishi natijasida hayotiy muhim va iqtisodiy muammolarni hal qilish imkoni paydo bo‘ldi. Davlat chegaralari, suvdan foydalanish va savdo masalalarida o‘zaro murosali kelishuvlarga erishilgan.
O‘zbekiston ko‘p qirrali hududiy hamkorlikni kengaytirish tarafdoridir. Bizning asosiy maqsadimiz Markaziy Osiyoni barqaror iqtisodiy rivojlangan, tinchlik va hamkorlik hududiga aylantirishdir.
Global xavfsizlik uchun ham bu juda muhim ahamiyat kasb etadi. Bunday hamkorlik butun Yevrosiyo kontingenti rivojlanishiga o‘z hissasini qo‘shadi. Shuningdek, hudud davlatlarining dunyo mamlakatlari va birinchi navbatda Rossiya bilan o‘zaro foydali va teng huquqli munosabatlarni yo‘lga qo‘yishda muhim ahamiyat kasb etadi.
Rossiya Federatsiyasi O‘zbekistonning ishonchli hamkori va ittifoqchisidir. Bizning munosabatlar tarixiy do‘stlik va hamkorlik rishtalariga asoslangan holda yangi amaliy mazmun bilan to‘lib bormoqda. O‘zbekiston Rossiya ushbu munosabatlar potensialidan imkon qadar kengroq foydalanishni istaydi. Xususan, savdo, sanoat hamkorligi, sarmoyalar, investitsiyalar va va innovatsiyalar, qishloq xo‘jaligi hamda yirik hududlararo loyihalarda ishtirok etish, madaniyat va ta’lim sohasida munosabatlarni rivojlantirish shular jumlasidan.
Hurmatli anjuman ishtirokchilari, ‘Valday’ klubining 10-anjumani davlatlarimiz olimlari va eskpertlari orasida mavjud munosabatlarni mustahkamlab yangi rishtalar paydo bo‘lishiga olib keladi deb ishonaman. Sizlarga sermahsul va muvaffaqiyatli hamkorlik hamda Sharq durdonasi bo‘lgan qadimiy va doimo navqiron Samarqanddan unutilmas taassurotlar olishni tilab qolaman.
Shavkat Mirziyoyev, O‘zbekiston Prezidenti
Izoh (0)