10-noyabr, yakshanba kuni Angliya chempionatining 12-tur uchrashuvlari yakunlandi.
Turning so‘nggi, markaziy bahsida musobaqa yetakchisi “Liverpul” amaldagi chempion “Manchester Siti” bilan o‘ynadi. Muhtasham “Enfild”da bo‘lib o‘tgan o‘yin maydon egalarining g‘alabasi bilan tugadi.
Uchrashuvning 6-daqiqasida Fabinyo uzoq masofadan ajoyib zarba yo‘llab, hisobni ochdi. Bu goldan o‘ziga kelib ulgurmagan Pep Gvardiola shogirdlari 13-daqiqada yana bir zarba qabul qilib oldi. Muhammad Saloh qanotdan uzatilgan to‘pga boshi bilan zarba bergan holda ikkinchi golni urdi.
Yurgen Klopp shogirdlari ikkinchi bo‘limda ham tezkor gol urishga erishdi. Bu safar Sadio Mane Jordan Henderson tomonidan uzatilgan to‘pni darvozaga joylab qo‘ydi. Ikkinchi bo‘limning yarmidan o‘tib mankunianlar bosimni oshirdi va bu 76-daqiqada o‘z samarasini berdi. Bernardu Silva Anxelinyoning uzatmasidan keyin to‘pga to‘xtatmasdan zerba berib, hisobni qisqartirdi.
Qolgan vaqtda hisob o‘zgarmadi va “Liverpul” 34 ochko bilan peshqadamlikni yanada mustahkamladi. “Manchester Siti” esa 25 ochko bilan 4-o‘rinda qoldi.
APL
12-tur bahsi
10-noyabr, yakshanba
“Liverpul” — “Manchester Siti” 3:1
Gollar: 1:0 — 6 Fabinyo, 2:0 — 13 Saloh, 3:0 — 51 Mane, 3:1 — 78 Bernardu SilvaYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)