Gretsiyaning Elka Aristotle tanker ekipajining to‘rt nafar a’zosi Togo sohillarida qurollangan noma’lum shaxslar tomonidan o‘g‘irlab ketildi. Bu haqda Togo harbiy dengiz kuchlari ma’lumotiga asoslanib “Interfaks” xabar berdi.
“2019-yilning 4-noyabr kuni soat 03:00 da Lome portidan 18 kilometr uzoqlikdagi Elka Aristotle tankeriga qurollangan noma’lum shaxslar tomonidan hujum uyushtirilgan”, — deyiladi Afrika mamlakati flotining bayonotida.
Mavzuga doir:
Tankerni qo‘riqlagan himoyachilar qaroqchilar bilan to‘qnashuvda ishtirok etgan va qo‘riqchilardan biri jarohat olgan.
Avval Afrikaning boshqa bir davlati Benin sohillarida langar tashlagan Norvegiyaning MV Bonita kemasidan to‘qqiz nafar dengizchining o‘g‘irlab ketilgani va ularning hammasi Filippin fuqarolari ekanligi xabar qilingan.
Izoh (0)