Farg‘ona shahridagi 9-sonli maktabgacha ta’lim muassasasida 11 nafar tarbiyalanuvchi ovqatdan zaharlangan edi. Bloger Usmonjon Qodirov vaziyatni o‘rganish maqsadida bolalar yotqizilgan kasalxonaga bordi.
“Bu ovqatdan zaharlanish emas. Agar ovqatdan zaharlanish bo‘lganida bog‘chaning barcha 300 dan ortiq tarbiyalanuvchilari birdaniga shifokorlarga murojaat qilgan bo‘lar edi.
Shifoxonaga murojaat qilgan bolalarga ‘o‘tkir diareya’ tashxisi qo‘yilgan”, — deydi Farg‘ona viloyati yuqumli kasalliklar shifoxonasi bosh shifokori Sultonali Boyigitov.
“Jami 10 nafar bola ushbu kasalxonaga yotqizilgan. Ularning ahvoli qoniqarli edi. Tashxislarini so‘raganimizda ularga zaharlanish emas, balki noto‘g‘ri ovqatlanish, diareya tashxisi qo‘yilgan. Har bir bolaning ahvoli bilan qiziqdik. Ularning ahvoli qoniqarli ekanligini ko‘rdik”, — deydi Farg‘ona maktabgacha ta’lim boshqarmasi bo‘limi mudiri Nargiza Ergasheva.
Ushbu holat yuzasidan Farg‘ona shahar prokuraturasi tomonidan tergovga qadar tekshiruv ishlari olib borilmoqda.
Izoh (0)