“O‘zbekgidroenergo” tomonidan Jizzax viloyatining Forish hamda G‘allaorol tumanlarida havo harorati hamda shamol oqimini o‘lchashga mo‘ljallangan, balandligi 100 metrlik meteorologik minoralar o‘rnatildi, deb xabar berdi O‘zA.
Tizim tashkiloti “Gidroproyekt” loyihalashtirgan mazkur minoralarni “Qurilish direksiyasi” unitar korxonasi o‘rnatdi. Bosh pudratchi sifatida “O‘zbekgidroenergoqurilish” tarkibidagi “Maxsusenergomontaj” unitar korxonasi ishtirok etdi.
Ushbu meteorologik minoralar modulli turdagi “uchburchak fermalar” shaklida loyihalashtirildi. Har birining uzunligi 3 metrni tashkil etadigan, bu modullar o‘rnatishga qulay bo‘lib balandligini asta-sekin oshirib borish mumkin.
Har bir meteorologik minora tayanch temir-beton bilan mustahkamlangan sharsimon poydevorga o‘rnatilgan bo‘lib, sakkiz pog‘onali simli tizim ko‘rinishidagi tik holatidadir. Kabelga o‘rnatilgan tizim temir langar orqali temir-beton poydevorga mustahkamlanadi.
Minoralarda, shuningdek, ob-havo, shamolning meteorologik parametrlarini avtomatik ravishda o‘lchash uchun shamol tezligini, yo‘nalishini va haroratini o‘lchovchi asbob-uskunalar o‘rnatildi.
Ta’kidlash joizki, meteorologik ma’lumotlarni o‘lchash davomiyligi 10 daqiqalik interval bilan avtomatik ravishda amalga oshiriladi va ushbu davr uchun shamolning maksimal va minimal pasayishini hisoblab chiqishga, shuningdek, shamol oqimining yo‘nalishi bilan bog‘liq holda o‘rtacha tezlik ko‘rsatkichlarini olishga imkon beradi. Bu esa, keyinchalik ushbu hududda shamol ko‘tarilishini yaratishga imkon beradi hamda kelajakdagi shamol generatorlarining quvvat uskunalari tanlovini malakali tarzda asoslashga zamin yaratadi.
Shu bilan birga, bosim va atrof-muhit haroratini o‘lchash ularni kelajakda shamol turbinalari tomonidan elektr energiyasini yakuniy ishlab chiqarishga ta’sir qiluvchi omillardan biri bo‘lgan sharoitda havo zichligini aniqlashga imkon beradi.
Meteorologik minoralarning yana bir samarali jihati shundaki, olingan meteorologik ma’lumotlarning yozuvi har bir minora ustiga o‘rnatilgan maxsus kompyuter blokida avtomatik ravishda amalga oshiriladi, ularni qayta ishlash va tahlil qilish uchun loyihalash tashkilotiga masofadan uzatish imkoniyati mavjud. Shuningdek, qurilma bilan to‘g‘ridan to‘g‘ri minoralar o‘rnatilgan joylarda qo‘lda ishlash ham ko‘zda tutilgan.
Izoh (0)