Фарғона шаҳридаги 9-сонли мактабгача таълим муассасасида 11 нафар тарбияланувчи овқатдан заҳарланган эди. Блогер Усмонжон Қодиров вазиятни ўрганиш мақсадида болалар ётқизилган касалхонага борди.
«Бу овқатдан заҳарланиш эмас. Агар овқатдан заҳарланиш бўлганида боғчанинг барча 300 дан ортиқ тарбияланувчилари бирданига шифокорларга мурожаат қилган бўлар эди.
Шифохонага мурожаат қилган болаларга ‘ўткир диарея’ ташхиси қўйилган», — дейди Фарғона вилояти юқумли касалликлар шифохонаси бош шифокори Султонали Бойигитов.
«Жами 10 нафар бола ушбу касалхонага ётқизилган. Уларнинг аҳволи қониқарли эди. Ташхисларини сўраганимизда уларга заҳарланиш эмас, балки нотўғри овқатланиш, диарея ташхиси қўйилган. Ҳар бир боланинг аҳволи билан қизиқдик. Уларнинг аҳволи қониқарли эканлигини кўрдик», — дейди Фарғона мактабгача таълим бошқармаси бўлими мудири Наргиза Эргашева.
Ушбу ҳолат юзасидан Фарғона шаҳар прокуратураси томонидан терговга қадар текширув ишлари олиб борилмоқда.
Изоҳ (0)