“Yuventus” Mbappe uchun rekord darajada mablag‘ sarflashga tayyor

“Yuventus” rahbariyati Kilian Mbappe uchun katta mablag‘ taklif qilishga tayyor, deb yozmoqda Tuttosport.

Ta’kidlanishicha, klub prezidenti Andre Anyelli hamda vitse-prezident “Yuventus” aksionerlari bilan uchrashuvda transferlar uchun budjet 300 million yevroga ko‘tarilganini ma’lum qilgan. Bunga sabab esa “Yuventus”ni Yevropada tengsiz jamoaga aylantirishdir. “Yuve” rahbariyati jamoaga yangi yulduzlar kelishi uchun katta mablag‘ sarflashga tayyorligini bildirgan.

Jamoaning asosiy hujumchisi Krishtianu Ronaldu ayni damda 34 yoshda. Klub esa uning o‘rniga PSJdan ayni damda 20 yoshda bo‘lgan Kilian Mbappeni xarid qilishni xohlamoqda. Klub uning uchun 380 million yevro ajratishi mumkin. Bu summa uning transferi bilan birga besh yillik shartnomada ko‘zda tutiladigan maoshni ham o‘z ichiga oladi.