Fotogalereya: Tashkent City bog‘ida planetariy ishga tushdi

Tashkent City majmuasidagi istirohat bog‘i tarkibida planetariy ishga tushdi. “Daryo” muxbiri ushbu planetariydan maxsus fotolavhalar tayyorladi.

Planetariy maxsus xona bo‘lib, unda yulduz, sayyora, kometa va boshqa osmon jismlari tasvirlangan osmon sferasi modeli, sayyoralar panoramalari namoyish etiladi. Namoyishlar astronomiya, kosmonavtika, kosmologiyadan ma’ruzalar bilan kechadi.

Tashkent City bog‘idagi planetariyda hozirda 20 daqiqalik ilmiy-ma’rifiy lavha qo‘yilmoqda. Unda tashrif buyuruvchilar astronomik hodisalar, yulduzlar osmonining ko‘rinishi, osmon sferasining aylanishi, Quyosh va sayyoralarning ko‘rinma harakati, Yer sun’iy yo‘ldoshlari harakatini shiftdagi ulkan maxsus ekranda bin-beglarga yotgan holda tomosha qiladi. Ekran yarim sharni eslatuvchi gumbaz ko‘rinishiga ega.

Planetariyga kirish narxi: kishi boshiga 30 ming so‘m.

Ta’kidlash kerak, birinchi planetariy 1925-yili Myunxenda (Germaniya) ochilgan. Hozirda dunyoda bir necha ming planetariy mavjud.