“Qoraqalpoq Don mahsulotlari” korxonasi mansabdor shaxslari har bir qopi 87 500 so‘mdan sotilishi belgilangan 6 134 qop unni 2018-yilning sentabr oyidan joriy yilning iyun oyiga qadar “X” oilaviy korxonasiga 110 000 so‘mdan hisoblab, jami 674,7 million so‘mga sotgan. Bu haqda Bosh prokuratura tomonidan ma’lum qilindi.
Bosh prokuratura huzuridagi Departamentning Nukus shahar bo‘limi tomonidan o‘tkazilgan tergovga qadar tekshiruvda har bir qop un 110 000 so‘mdan sotilishi natijasida korxona mansabdorlari 138 million so‘m pul mablag‘larini o‘z ehtiyojlari uchun ishlatib yuborgan aniqlangan.
Mazkur holat yuzasidan “Qoraqalpoq Don mahsulotlari” AJ mansabdor shaxslariga nisbatan Jinoyat Kodeksining tegishli moddasi bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)