Hettich brendining O‘zbekistondagi ilk shourumining ochilishi EMAN kompaniyasining 24 yilligiga o‘ziga xos sovg‘a bo‘ldi. Tantanali marosim 8-oktabr kuni Toshkentda tashkil etildi.
EMAN kompaniyasi mebel jihozlari olamida yetakchi o‘rinlarga ega sanalib mebel ishlab chiqarishda zarur hisoblangan butlovchilarning yirik ta’minotchisi sanaladi. Kompaniya 1995-yilda tashkil etilgan. 24 yillik faoliyati davomida faqatgina furnitura ishlab chiqarishda yetakchi o'rinni egallab qolmadi.
EMAN asosida tashkil qilingan DAFNA kompaniyasi O‘zbekistonda ofis mebellarini yetkazib beruvchilar bozorida yetakchi hisoblanib, butun dunyodagi hamkorlar bilan aloqalar o‘rnatgan. DAFNA mahsulotlarining assortimenti Yevropa sifat standartlari talablariga javob beradi va 500dan ortiq kreslo, stul, rahbarlar kabineti jihozlari, ofis hamda uy uchun mebellarni ichiga oladi. Bugungi kunda ofis hamda uy uchun mebellardan tashqari kompaniya MDHdagi ilk ishlab chiqaruvchi va bozor yetakchisi AIKO’dan har qanday ob-havoga mos ratangdan to‘qilgan mebellarni taklif etadi.
Toshkentdagi yangi shourum Germaniyaning Hettich brendi mahsulotlarini taqdim etadi, u mebel aksessuarlarining yetakchi ishlab chiqaruvchilardan biri bo‘lib, eksklyuziv mebellarga talabchan xaridorlarining barcha talablariga javob beradi. Kompaniyaning 6 mingdan ortiq xodimlari har kuni kelajakning noyob g‘oyalarini amalga oshirish uchun “aqlli” mebellarni yaratish va rivojlantirish ustida ish olib boradilar. Shourumga tashrif buyuruvchilar, dizaynerlar va mebel ishlab chiqaruvchilari innovatsion texnologiyalardan mamnun bo‘lishadi, axir ular yordamida har qanday murakkablikdagi dizaynerlik g‘oyalarini amalga oshirish oson.
“Biz o‘zbek bozorining yetakchilaridan biri bilan hamkorlikda O‘zbekistonda shourum ochilganini rasman e’lon qilishdan mamnunmiz. Ushbu hamkorlik biz uchun ham, O‘zbekistondagi hamkasblarimiz uchun ham yangi ufqlar ochadi, deb ishonamiz. Shourum O'zbekistonning mebel va qurilish sanoati markazi — Jomiy bozori hududida joylashganidan mamnunmiz, chunki bu nafaqat Toshkent, balki hududlarni ham qamrab olish imkonini beradi ”, — dedi Hettich’ning Markaziy Osiyodagi mintaqaviy menejeri Ravil Yanshin.
“Hettich—O'zbekiston bozorida yangi vakil, Yevropa sifatidagi aksessuarlar yetkazib beruvchi kompaniya hisoblanadi; albatta, undan oldin boshqa kompaniyalar ham bo‘lgan, ammo ayni sohada yana bir muqobilning paydo bo'lishi butun bozor uchun foydali. Masalan, iste‘molchilar uchun bu narx va sifatning maqbul balansidagi mahsulotni tanlash imkoniyatini beradi. Biz dizaynerlarga ham foydali, chunki aynan Hettich, masalan, surib ochiladigan eshiklar borasida furnitura bo‘yicha yaxshi taklif kiritdi, — deydi LaSphera dizayn va interyer studiyasining asoschilaridan biri Eduard Tugai, yangi Hettich shourumi ochilishi mehmonlaridan biri.
“Hozirgi vaqtda shunday bir tendensiya borki, bunda mijoz bevosita interyer yaratish jarayonida ishtirok etishda nafaqat mebel, balki dekor qismlari, furnitura tanlash va hatto o‘z qo‘llari bilan to'plashni istaydi,” — deydi DAFNA mebel do‘konlari tarmog‘i direktori Aziz Nurmatov shourum afzalliklari haqida gapira turib. Uning so‘zlariga ko‘ra, kelajakda iste’molchilar mebel salonlariga kelish uchun kamroq vaqt sarflashadi. Veb-saytga kirish imkoniga ega bo‘lgan mijoz o‘z dizaynini mustaqil ravishda yaratishi va mebelni o‘z xohishiga ko‘ra to‘plashi mumkin bo‘ladi. Shunday qilib, xaridor professional dizayner singari yaratishi hamda ijod qilishi, o‘z uslubi, rangi va xomashyo turini tanlashi va ishlanmalarini 3D formatida yasashi mumkin. Bu jarayonda oxirgi qadam-faqat uydan buyurtma berish qoladi xolos.
Yangi do‘kon ochilishi munosabati bilan o‘tkazilgan tadbir, tom ma’noda interyer va qurilish sohasi vakillari, kompaniya rahbarlari va ommaviy axborot vositalari vakillari o‘rtasida aloqalar o‘rnatish uchun platforma bo‘lib, g‘oyalar va yangi tashabbuslar almashish imkonini berdi.
Emman kompaniyasi ta‘sischilari 2018-yilda O‘zbekiston mebel assosiatsiyasini tashkil etish tashabbusini ilgari surgandilar. Uyushma 50 dan ortiq mebel ishlab chiqaruvchilarni birlashtiradi va Home Show brendi ostida birinchi ko‘rgazmasini o‘tkazdi.
Sentabr oyida Chimkent shahrida HomeShow deb nomlangan yangi shourum (2500 kvadrat metr) ochildi. Kelajakda kompaniya o‘zbek mebellarini Qirg‘iziston, Qozog‘iston va Rossiyaga yetkazib berishni rejalashtirmoqda.
Reklama huquqi asosida.
Izoh (0)