Odatda malakali, o‘z ishiga puxta yondoshadigan quruvchilar sifatli, eng asosiysi esa uzoq muddatli kafolatga ega qurilish materiallarini tanlashadi. KNAUF kompaniyasi tomonidan qurilish, pardozlash va ta’mirlash uchun ishlab chiqariladigan mahsulotlar ana shu talablarga to‘liq javob beradi.
Biroq so‘nggi yillarda ayrim yurtdoshlarimiz tomonidan mamlakatimizdagi qurilish mollari do‘konlaridan sotib olingan qurilish materiallari talabga javob bermayotganligi, o‘xshash nomlar tanlovda adashtirayotganligidan kompaniyaga e’tirozlar kelib tushmoqda. Shunga ko‘ra, KNAUF mutaxassislari hududlarda o‘rganish va surishtiruvlar olib bordi. Ularning yakuniga ko‘ra, do‘konlarda aynan kompaniya brendi hamda shunga o‘xshash, odamlarni fikrini chalg‘itadigan mahsulotlarning sotilayotganligi aniqlandi.
Bunga misol jurnalist va blogerlar ishtirokida Farg‘ona hamda Andijon viloyatlaridagi qurilish mahsulotlari bozorlarida o‘tkazilgan surishtiruvlar mobaynida bir nechta do‘konlarda “Rotband” va shunga o‘xshash bo‘lgan Rodbun, Rodberd, Rodben, Rodbus, Rodland, “Rodban”, mahsulotlari sotilayotganligi misol bo‘la oladi. Achinarlisi ularning ayrimlari hech qanday ruxsatnomasiz, guvohnomasiz, indeks raqamisiz sotilayotganligidadir. Ishlab chiqarish korxonasi manzilining yo‘qligi esa har qanday xaridorda shubha uyg‘otishi tabiiy, albatta.
Tadbirkorlarning bunday nomlar bilan mahsulot sotishidan nima naf? Nahotki, ular normativ hujjatlar hisoblangan O‘zbekiston Respublikasi Prezidentining “Intellektual mulk obyektlari huquqlariga ishonchli himoyasini kafolatli ta’minlashni kuchaytirish to‘g‘risida”gi farmoni hamda “Intellektual mulk sohasida davlat boshqaruvini takomillashtirish chora-tadbirlari to‘g‘risida”gi qarorlariga zid tartibda faoliyat ko‘rsatishsa?
Surishtiruv va o‘rganishlar davomida tadbirkorlar tovar belgisi egalarining hech qanday ruxsatnomasiz mahsulot ishlab chiqarayotgani ushbu xatti-harakatlari orqali kompaniya nufuziga putur yetkazayotganidan dalolat beradi. Bunda intellektual mulk agentligi hamda monopoliyaga qarshi kurashish qo‘mitasi vakillari bunga e’tiborsiz qarayotgandek go‘yo.
KNAUF – oilaviy biznesning afzal prinsiplariga asoslangan, o‘zining uzoq yillik faoliyati davomida qadr-qimmatini saqlay olgan dunyodagi yiriq xalqaro kompaniya hisoblanadi.
Kompaniya – butun dunyoda mashhur shu nomdagi savdo belgisi ostida qurilish materiallarini ishlab chiqaradigan kompaniya bo‘lib, ko‘p yillik tarixi va qurilish, pardozlash va ta’mirlash uchun ishlab chiqaradigan mahsulotlarining doimiy yuqori sifati bilan dong taratgan. Marka xalqaro bozordagi tajribasi, ishonchliligi va oqilona narxlari tufayli xaridorlarning yuqori talab va e’tiroflariga sazovor bo‘lgan.
Kompaniyaning investitsion faoliyati 1993-yilda Rossiyadan boshlangan bo‘lib, keyingi yillarda Qozog‘iston, O‘zbekiston, Ozarbayjon va Gruziyada zamonaviy uskunalar bilan jihozlangan o‘z korxonalarini tuzdi va bunyod etdi. KNAUF Germaniyada ham, MDH davlatlarida ham mahsulotlariga birdek yuqori sifat standartiga ega barcha xalqaro guruhlar uchun yagona texnikaviy ishlab chiqarishni qo‘llaydi.
Marketing faoliyati MDHning deyarli barcha davlatlarida va Mongoliyada keng yoyilgan.
Kompaniya raqobatchilar ko‘payishidan cho‘chimaydi, aksincha sog‘lom raqobat o‘z faoliyatini yanada jonlantirish, materiallar sifatini yana oshirishga xizmat qilishini yaxshi biladi. Shu sababli tadbirkorlardan KNAUF’ning brendlari hamda shunga o‘xshash nomlarda mahsulotlar chiqarishni to‘xtatilishini, o‘z faoliyatini qonuniy tartibda olib borishlarini so‘rab qoladi.
Reklama huquqi asosida.
Izoh (0)