Futbol bo‘yicha Yevro—2020 musobaqasi saralash bosqichi 8-turi doirasida 13-oktabr, yakshanba kuni guruhlarda bir nechta o‘yinlar bo‘lib o‘tdi.
“C” guruhidan o‘rin olgan bahsda Ronald Kuman qo‘l ostidagi Niderlandiya terma jamoasi safarda Belarus termasiga qarshi maydonga tushdi.
Bellashuvning 32 hamda 41-daqiqalarida niderlandiyalik yarim himoyachi Jorjinyo Veynaldum 2 bor raqib darvozasini ishg‘ol qilgan bo‘lsa, mezbonlardan Stanislav Dragun (53) o‘z nomiga bitta golni yozdirib qo‘ydi.
Shu tariqa Niderlandiya Belarusni 2:1 hisobida taslim qilib, navbatdagi 3 ochkoga ega bo‘ldi.
Mazkur g‘alabadan so‘ng niderlandiyaliklar ochkolari sonini 15 taga yetkazib oldi va guruhda peshqadamlikni daqlab qoldi. Belarus esa 4 ochko bilan 4-o‘rinda bormoqda.
Ushbu guruhda Yoaxim Lyov boshqaruvidagi Germaniya terma jamoasi Estoniya termasi bilan bahsga kirishdi.
To‘qnashuv davomida Germaniya yarim himoyachisi Ilkay Gundo‘g‘on (51, 57) dubl qayd etgan bo‘lsa, “Leypsig” hujumchisi Timo Verner (71) ham mehmonlarning bitta goliga mualliflik qildi.
Bahs yakuniga ko‘ra, Germaniya Estoniyani 3:0 hisobida mag‘lubiyatga uchratdi va 3 ochkoga ega bo‘ldi.
Ta’kidlash joiz, o‘yinning 14-daqiqasida germaniyalik Emre Jan hakam tomonidan qizil kartochka bilan jazolandi va Germaniya bellashuv yakuniga qadar maydonda bir kishi kam bo‘lib harakat qildi.
Ma’lumot uchun, guruhda 2-o‘rinni egallab turgan Germaniya termasi hisobida 15 ochko mavjud. Estoniya esa 1 ochko to‘plab so‘nggi o‘rinda bormoqda.
“C” guruhidagi vaziyat:
“I” guruhida esa Roberto Martines boshliq Belgiya terma jamoasi mehmonda Qo‘zog‘iston termasini sinovdan o‘tkazdi.
Uchrashuvning 21-daqiqasida belgiyalik hujumchi Mishi Batshuayi hisobni ochgan bo‘lsa, 53-daqiqaga kelib PSJ himoyachisi Toma Menye hisobni 2:0 ko‘rinishiga olib keldi.
Natijada Belgiya safarda Qozog‘iston darvozasiga javobsiz 2 ta gol urib, 3 ochkoni qo‘lga kiritdi.
Qayd etish joiz, Belgiya 24 ochko jamg‘argan holda guruhda yaqqol yetakchiga aylandi. Qozog‘iston esa 7 ochko bilan 5-o‘rinni band qilib turibdi.
“I” guruhidagi holat:
Yevro—2020
Saralash bosqichi
8-tur bahslari
13-oktabr, yakshanba
“C” guruhi
Belarus—Niderlandiya 1:2
Gollar: 0:1 — 32 Veynaldum, 0:2 — 41 Veynaldum, 1:2 — 53 DragunEstoniya—Germaniya 0:3
Gollar: 0:1 — 51 Gundo‘g‘on, 0:2 — 57 Gundo‘g‘on, 0:3 — 71 Verner“E” guruhi
Vengriya—Ozarbayjon 1:0
Gol: 1:0 — 10 KorxutUels—Xorvatiya 1:1
Gollar: 0:1 — 9 Vlashich, 1:1 — 45 Beyl“G” guruhi
Polsha—Shimoliy Makedoniya 2:0
Gollar: 1:0 — 74 Frankovski, 2:0 — 80 MilikSloveniya—Avstriya 0:1
Gol: 0:1 — 21 Posh“I” guruhi
Qozog‘iston—Belgiya 0:2
Gollar: 0:1 — 21 Batshuayi, 0:2 — 53 MenyeKipr—Rossiya 0:5
Gollar: 0:1 — 9 Cherishev, 0:2 — 22 Ozdoyev, 0:3 — 79 Dzyuba, 0:4 — 89 Golovin, 0:5 — 90 CherishevShotlandiya—San Marino 6:0
Gollar: 1:0 — 12 Makginn, 2:0 — 27 Makginn, 3:0 — 45 Makginn, 4:0 — 65 Shenklend, 5:0 — 67 Findli, 6:0 — 86 ArmstrongYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)