30-sentabr, dushanba kuni Iordaniya poytaxti Ammandagi Podshohlik strategik tadqiqotlar islom markazi “Dunyoning eng nufuzli 500 musulmoni” (The Muslim 500) ro‘yxatini e’lon qildi.
O‘zbekiston musulmonlari idorasi raisi, muftiy Usmonxon Alimov bir necha yillardan buyon ushbu ro‘yxatdan joy olib kelmoqda va bu yil ham reytingdan o‘rin egalladi.
Ro‘yxat 10 yildan buyon e’lon qilib kelinadi va unga musulmon dunyosiga siyosiy, mafkuraviya, madaniy va boshqa yo‘nalishlar bo‘yicha ta’sir ko‘rsata olgan taniqli insonlar kiritiladi.
Reytingda islom fiqhi hamda moliyasi bo‘yicha obro‘li va mashxur olim 76 yoshli Muhammad Taqi Usmoniy yetakchi bo‘ldi.
Shuningdek, Eron oliy yetakchisi Oyatullo al-Hamoniy, Turkiya prezidenti Rajab Toyyip Erdo‘g‘on, Saudiya Arabistoni qiroli Salmon ibn Abdulaziz as-Saud, Iordaniya qiroli Abdulla II ibn Husayn, Marokash qiroli Muhammad VI ham ro‘yxatning yuqori o‘rinlariga joylashtirilgan. Pokiston bosh vaziri Imron Xon, Tojikiston prezidenti Emomali Rahmon, Turkmaniston prezidenti Gurbanguli Berdimuhamedov, Ozarbayjon yetakchisi Ilhom Aliyev, Afg‘oniston prezidenti Ashraf G‘ani, Checheniston rahbari Ramzan Qodirov ham reytingga kirgan.
Taniqli sportchilardan UFC amaldagi chempioni Habib Nurmagomedov hamda “Liverpul” hujumchisi Muhammad Saloh ham The Muslim 500’ga kiritilgan.
Izoh (0)