30 сентябрь, душанба куни Иордания пойтахти Аммандаги Подшоҳлик стратегик тадқиқотлар ислом маркази «Дунёнинг энг нуфузли 500 мусулмони» (The Muslim 500) рўйхатини эълон қилди.
Ўзбекистон мусулмонлари идораси раиси, муфтий Усмонхон Алимов бир неча йиллардан буён ушбу рўйхатдан жой олиб келмоқда ва бу йил ҳам рейтингдан ўрин эгаллади.
Рўйхат 10 йилдан буён эълон қилиб келинади ва унга мусулмон дунёсига сиёсий, мафкуравия, маданий ва бошқа йўналишлар бўйича таъсир кўрсата олган таниқли инсонлар киритилади.
Рейтингда ислом фиқҳи ҳамда молияси бўйича обрўли ва машхур олим 76 ёшли Муҳаммад Тақи Усмоний етакчи бўлди.
Шунингдек, Эрон олий етакчиси Оятулло ал-Ҳамоний, Туркия президенти Ражаб Тоййип Эрдўғон, Саудия Арабистони қироли Салмон ибн Абдулазиз ас-Сауд, Иордания қироли Абдулла II ибн Ҳусайн, Марокаш қироли Муҳаммад VI ҳам рўйхатнинг юқори ўринларига жойлаштирилган. Покистон бош вазири Имрон Хон, Тожикистон президенти Эмомали Раҳмон, Туркманистон президенти Гурбангули Бердимуҳамедов, Озарбайжон етакчиси Илҳом Алиев, Афғонистон президенти Ашраф Ғани, Чеченистон раҳбари Рамзан Қодиров ҳам рейтингга кирган.
Таниқли спортчилардан UFC амалдаги чемпиони Ҳабиб Нурмагомедов ҳамда «Ливерпуль» ҳужумчиси Муҳаммад Салоҳ ҳам The Muslim 500’га киритилган.
Изоҳ (0)